Puu Mpobitara 20:13 - Wunta Mempori

¹³ Kanandio-andio impeweengakonomo luwuno mia atuu, onaemo mia anu memosa'o gauno i Gibea, ka kami mpepate ira, nde ba kanandio kita umoninio hapa anu mosa'o i olodo to Isaraeli.” Sine inuleno i Benami nahi domebehe mperorongeakono hapa anu pinaudo pepaekompodo, to Isaraeli.

Puu Mpobitara 20:13 ပူးပေါင်းရင်းမြစ်များ

2 Samueli 20:1

I ra'ai hinao asa mia lambaha, meneeako i Seba anano i Bikiri, to Benami. Ipuurio tawuwua ka ipotae, ”Nahi tompohawe tia a poparentaano i Daudi. Nahi tompohawe tia pusaka a inuleno i Isai. Singge mia lumako a ngkemano, hei to Isaraeli!”

2 Samueli 23:6

Sine mia melambaha, luwuno kana rui pinetadiako. Ka menteeano nahi pinoko'alaako kae.

1 Mokole 21:13

Ka i'amba orua mia lambaha atuu hawe ka dopentoro tepo'aroakono i Nabo. Mia lambaha atuudo gagi sakosii umewaio i Nabo i arodo palili, dopotae, ”Itotonaa Iramo i Nabo Ondae i Ue Ala ka ondae mokole.” Umarino atuu, domewawao i bungkuno kota ka do'amba mewunoakono watu ranta kai mate.

2 Tawarika 13:7

Luwuno mia mpelakopi ka mia lambaha, ntepo'asa saru onae. Moroso irapo sekono i Rehabea anano i Salomo, anu da mongura ka napi moroso aroano, saru nahi polio umaropi ira.

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

2 Tawarika 25:20

Sine i Amasia nahi behe merorongeakono. Lano mongkona andio mepu'u inso ndi Ondae Ue Ala anu po'ehe-Do meweengako ira a ngkaeno i Yoasi, hangano mpetonda iramo a mpinesombaido to Edomi.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Puu Pontutulu 11:10

Tadiomo masusaa inso i aroamu ka poko'olaiomo marasaia inso a ngkoroimu, hangano monguraa ka wantano tumuwu onaemo anu nahina tuduno.

Hosea 10:9

Mompu'u luwuno oleo Gibea tehalakomo, hei Isaraeli; i ra'ai kongkodo mpe'ewa. Kombake metea mo'ewai mia molengku ta humawe ira mbo'u i Gibea?

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

ROMA 1:32

Hangano maupo domento'orio luwuno anu po'eheno songka-Do Ue Ala, onaemo nine sompo mia anu weweu ira anu kanandio, tekona ihinuku mate, ondae komba butu meweweuo ondaedo, sine dompemoiko ira koa mbo'u anu meweweuo.

1 KORINTI 5:13

Ondae anu komba bawaa Ondae Ue Ala anu bitara ira. Imensaari ira mia anu mpoweweu mosa'o i olomiu.

2 KORINTI 6:15

Hapake anu mengkena hinawe i olo-Do i Kerisituu ka i Beliali? Hapake pe'asaado mia mpompe'ala-ala saru mia anu nahi dompompe'ala-ala?

Winali 13:13

nine hinao mia mosa'o gauno me'umbaako inso i tonga-tongamiu, anu mokopansia iramo palili i kotado, ipotae, ”Aiwa tompesomba a anu pinesombai susua” anu nahi imento'orio.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 17:12

Mia anu kowee-wee ka nahi perorongeakono pauno sando mpesomba anu mentade i ra'ai gagi puu mpopekakaako-Do i Ue, Ue Alamiu, ke maupo pauno puu mpobitara, manasa mia atuu mate. Kanatuumo asalakono impokotampulao anu mosa'o inso i Isaraeli.

Winali 17:7

Kaedomo luwuno sakosii atuu anu amba-ambano humuku mateo, domentondao luwuno palili. Kanatuumo asalakono impokotampulao anu mosa'o inso i olomiu.”

Winali 19:19

ka omiu asalakono meweweuo kana'umpe tinoono mokoko'iio pepaekompono. Kanatuumo asalakono impokotampulao anu mosa'o inso i tonga-tongamiu.

Winali 21:21

Ka i'amba luwuno tama pe'asa kotano asalakono mewunoakono watu nana'ote atuu ranta kai mate. Asalakono kanatuumo upahihio anu mosa'o atuu inso i tonga-tongamiu. Luwuno to Isaraeli ira merongeo ka gagi medoito.

Winali 22:21

asalakono ana beine winawa meluarako i arono pewowa rahano amano. Luwuno tama pe'asa kotano asalakono mewunoakono watu, ranta kai mate, hangano mebelesu i rahano amano. Gagi isosa'ai iramo to Isaraeli. Kanatuumo asalakono ime'oninio anu mosa'o inso i tonga-tongamiu.

Winali 22:24

asalakono orua ira winawa meluarako a mpewowa langkai kota ka imewunoako ira watu, ranta ka domate: hangano ana beine atuu nahi pebooli mepetulungi maupo i kota, hangano tama atuu ipewowaliakonomo kombiano pe'asa miano. Kanatuumo asalakono ime'oninio anu mosa'o inso i tonga-tongamiu.

Winali 24:7

Tewala asa mia hinawe mompolaisako asa mia pepaekompono inso i olodo to Isaraeli, ka i'amba weweuo kana ata ke i'asao, asalakono anu mompolaisako atuu mate. Kanatuumo u'oninio anu mosa'o atuu inso i tonga-tongamu.

Puu Mpobitara 19:22

Sine kontongaado memawongko mehawe iramo mia anu a ngkota atuu, mia melambaha, mensapoio raha atuu. Domedodandao pewowano ka dompotae ia mia mota'u ueno raha atuu: Luarakono mia anu hawe ia rahamu atuu, kami mpewowaliakono.

Puu Mpobitara 20:12

Ka do'amba luwuno suku Isaraeli mpontena mia lumako ia luwuno suku Benami saru pe'oliwido, ”Mosa'oa kana'umpe anu gagi ndi omiu!

Puu Mpobitara 20:14

Tendeano, inuleno i Benami inso ia luwuno kota susuaano, ntepumpu i Gibea ira melako umewai ira to Isaraeli.

1 Samueli 2:25

Tewala mia tehala a mpe'asa miano, Dopolio Ue Ala mokomoiko ira. Tewala asa mia tehala ndi Ondae i Ue, isema anu ta polio gagi po'oloti?” Sine nahi doperorongeakono patuduno amado, hangano po'ehe-Do i Ue mepate ira.

1 Samueli 30:22

Sine, mpepau iramo luwuno mia mosa'o wineweuno ka melambaha i olodo mia anu melako tumondao i Daudi, dompotae, ”Hangano nahi domelako saru ontae, nahi kita mpoweeako ira maupo hapa anu pinomuru anu inalato. Sine, ana ka beinedo nte'o'asa mia moiko ba domewawa ira!”