Puu Mpobitara 2:18 - Wunta Mempori

¹⁸ Sompo tempo Ondae i Ue moweeako ira puu pobitara, Ondae i Ue kumongkomi ira puu mpobitara atuu ka tumolosi ira inso ia iwalido, tempono domentuwu puu pobitara atuu. Nde Domongkokolaroako Ira i Uerumongeo rumorandaido i arodo luwudo mia anu bobarasai ira.

Puu Mpobitara 2:18 ပူးပေါင်းရင်းမြစ်များ

Tegagia 6:6

Ka Do'amba i Ue me'o'ole nine Dopokogagiomo mia i tolino, ka mongkona atuu mokomasusao aroa-Do.

2 Mokole 13:4

Sine, i Yoahasi mo'ema pompehohawa-Do i Ue ka Dorongeo i Ue, hangano Dokitaomo pompokonsii a nto Isaraeli, anu wineweuno mokoledo to Arami ndi ondae.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 90:13

Ipepokulemo, oo Ue! Opia mbo'u tehineno? Ipehohawa iramo tetenaa-Miu!

Peluarakoa 2:24

Ondae Ue Ala rumongeo peboolido, onaemo ka Dorambeo pedandia-Do saru i Burahima, i Saki ka i Yako.

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Peluarakoa 32:14

Umarino atuu, Dobalio i Ue tinoo-Do mompotii masolaa a bawaa-Do.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Yunu 3:10

Mansa-Do kumitao Ue Ala wineweudo atuu, onaemo kana'umpe dompepokule inso a leludo anu mosa'o, me'o'ole Iramo Ue Ala hangano masolaa anu Dopatindaomo tiado ka nahi gagi mbo'u Doweweuo.

Podoaa 10:9

Tewala melako komiu mpetea i witamiu umewaio iwali anu mokomarasai komiu, asalakono napiri impopo'unio pepopoto'ori, kai merinambe i aro-Do i Ue, Ue Alamiu, ka kinadudui inso a iwalimiu.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.

Puu Mpobitara 11:32

Ka i'amba i Yepeta telalo a wita inuledo to Amoni ta sumapoi ira, ka Ondae i Ue meweengako ira ia ngkaeno.

Puu Mpobitara 2:19

Sine ba puu mpobitara atuu mate, wali ira mpoweweu anu mosa'o, laluaopo sekono ue mpu'udo, mentondao anu pinesombai susua; mpesomba ira a anu pinesombai atuu ka mpenggolontu mpesombaio. Nahi dompenaa-naakono wineweudo ka leludo anu mpe'ulu watu.

Puu Mpobitara 3:9

Ka do'amba mpebooli to Isaraeli ndi Ondae i Ue, onaemo pu'uno Ondae i Ue moweeako ira asa mia pontolosi a nto Isaraeli anu motola ira, onaemo i Otinieli, anano i Kenasi, uaino i Kalebi.

Puu Mpobitara 6:12

Mala'eka-Do i Ue mepopokita ndi onae ka Dopepau kanandio, ”Ondae i Ue kumongkomiko, o tadulako anu mosia.”

Puu Mpobitara 6:16

Mepau Iramo i Ue ndi onae, ”Aku kumongkomiko, ranta kau nangi ira to Midia kana anu asa mia koa.”