Puu Mpobitara 2:14 - Wunta Mempori

¹⁴ Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

Puu Mpobitara 2:14 ပူးပေါင်းရင်းမြစ်များ

2 Samueli 24:1

Tekuda-Do i Ue tensila mbo'u a nto Isaraeli. Doteahakono i Daudi umewai ira, pau-Do, ”Lakomo, doa iramo to Isaraeli ka to Yehuda.”

2 Samueli 7:11

mompu'u Kupotoro ira puu mpobitara a bawaa-Ku Isaraeli. Aku moweeakomiu rodoa inso a luwuno iwalimu. Dopauakomu mbo'u i Ue: Ondae i Ue Ira wanguo inulemu anu moparenta.

2 Mokole 13:3

Ka tekuda-Do i Ue tensilaomo a nto Isaraeli, ka Dopeweengako ira a ngkaeno i Hasaeli, mokoledo to Arami ka a ngkaeno i Benihada, anano i hasaeli, mapa ta'u-ta'u tehineno.

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Tawarika 15:5

I tempo atuu mia nahi pokolako ka mekule tuwu, hangano hinao marisua langkai i olodo palili a luwuno wita.

2 Tawarika 28:5

Hangano atuu Ondae i Ue, Ue Alano meweengakono a ngkaeno mokoledo to Arami. Domenangio ka mpowawa hadio mia tinawa inso i olodo palilino ka i'amba wawao i Damasi. Umarino atuu onae pineweengako a ngkaeno mokole i Isaraeli ka mompembasai tenangia langkai.

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Nehemia 9:27

Ka i'amba meweengako ira a ngkaedo luwuno iwalido anu mokomasukara ira. I tempono masusaa mpebooli ira ndi Omiu ka Irongeo inso i langi. Hangano pompehohawa-Miu anu langkai, Ipoweeako ira mia anu kumadudui ira inso a ngkaeno iwalido.

Po'unde-unde 44:11

Omiu weweu kami mposuka inso a iwalimami, ka luwuno mia anu umo'aliaakami merontu kami.

Po'unde-unde 44:12

Omiu meweengako kami gagi bimba sumbelea ka sumiarawo kami i olodo luwuno tongku.

Yesaya 42:24

Isemake anu meweengakono i Yako ka irinontu, ka i Isaraeli a anu mompomuru? Kombake Ondae i Ue isa'a? Hangano, mentehala kitamo ndi Ondae. Ondae nahi domebehe mentondao sala-Do, ka pompaguru-Do nahi dobehe merongeo.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yeremia 37:10

Maupo ande-andeno imenangi ira luwu sorodadudo to Kasidimi anu umari mpeteaa komiu atuu, ka i'olodo butu tebinta mia anu mapari mobelado, asalakono singge mia ira mpewangu a ngkemano ka meropuo kota andio.”

Imama 26:17

Ongkue anu umewai komiu, ranta iwalimiu numangi komiu, ka ondae anu umo'aliaa komiu ira pabawai komiu, ka komiu mpolai, maupo nahina mia anu lumulu komiu.

Imama 26:28

manasa Ongkue mbo'u ta lansara umewai komiu ka Ongkue-Ku humuku komiu meluka pepintu hangano halamiu.

Imama 26:37

Ka ira ntetidu asa mia ka asa mia kana molaiako ponai, kahinaaho nahina lumulu ira. Nahi komiu mempolio mpekorahako i arodo iwalimiu.

Podoaa 32:13

Tekuda-Do i Ue tensilaomo a nto Isaraeli, onaemo ka Doweweu ira mpetanggolili i pada one pato pulu nta'u tehineno, ranta ka ipingko luwuno mia anu mpoweweu mosa'o a pongkita-Do i Ue.

Podoaa 32:14

Kitaomo, kanandio-andio mpentade komiu umeu ira amamiu, tepumpuado mia mentehala, tumiangio mbo'u tekuda-Do i Ue anu tensila a nto Isaraeli atuu.

Winali 28:20

Ondae i Ue Ira mompotii pohuku, marisua, ponsepi i olomiu a laro angaa anu inanggano kaemiu ranta ka imeropu ka metampula. Hangano mosa'o wineweumiu mpebungkui Ira Ue.

Winali 28:25

Ondae i Ue Ira weweukomiu ntenangi i arodo iwalimu. Inso a asa nsala impeluarako sumapoi ira, sine opitu nsala komiu mpolai inso i arodo. Komiu megagi mongkokongiriado luwuno poparentaa i tolino.

Winali 28:58

Tewala nahi mpetenunu meweweuo luwuno pauno songka Taura anu binuri a laro wunta andio, ka nahi medoitoakono Nee anu maramba ka mongkokongiri andio, ndi Ondae i Ue, Ue Alamiu,

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

Puu Mpobitara 1:19

Ondae i Ue kumongkomi ira tongku Yehuda, onaemo ka dompentorokio mentorukuno atuu, sine nahi dopokosaari ira palili anu mpo'ia i lembono nde mia atuudo mpompake ira kereta labu.

Puu Mpobitara 1:34

To Amori humidi ira inuleno i Dani i asambalino mentorukuno ka nahi do'eheako ira mpetii i lembono.

Puu Mpobitara 10:7

Onaemo ka Dotedoa tekuda i Ue ia nto Isaraeli, ka Dopeweengako ira a ngkaedo to Pelisiti ka inuledo to Amoni.

Puu Mpobitara 2:20

Tensilaomo tekuda-Do i Ue a nto Isaraeli, ka Dopepau, ”Hangano tongku andio molalo pedandia anu Kutenaako iramo ue mpu'udo, ka nahi domerongeo pau-Ku,

Puu Mpobitara 3:12

Sine to Isaraeli da mpoweweu ira mbo'u anu mosa'o i aro-Do i Ue. Ondae i Ue weweuo i Egelo, mokole to Moabi, pabawai ira to Isaraeli, nde mpoweweu ira anu mosa'o i aro-Do i Ue.

Puu Mpobitara 4:2

Ka Ondae i Ue meweengako ira a ngkaeno i Yabi, mokole to Kana'a, anu meparenta i Hasoro. Tadulako sorodadudo, onaemo i Sisera, anu mo'ia i Haroseti-Hagoimi.