Puu Mpobitara 2:13 - Wunta Mempori

¹³ Kanandiomo domebinta Ira i Ue, ka mpesomba ia Ba'ala ka luwuno Asitore.

Puu Mpobitara 2:13 ပူးပေါင်းရင်းမြစ်များ

1 Mokole 11:33

Hangano dompembungkui Akumo ka mpenggolontu ira mpesombaio i Asitore, pinesombaido to Sidoni, i Kamosi, pinesombaido to Moabi, ka i Miliko, pinesombaido inuleno i Amoni. Ondae mbo'u nahi domentuwu mentondao sala-Ku ka mpoweweu anu mentee a pongkita-Ku, luwuno pompakosi ka atora-Ku kana i Daudi, amano.

1 Mokole 11:5

Kanandiomo i Salomo mesombaio i Asitore, lahumoa beinedo to Sidoni ka i Miliko, pesombaado to Amoni anu mokoburu.

2 Mokole 23:13

Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

2 Tawarika 12:2

Sine, ia ta'u ko'olima poparentano mokole Rehabea, i Sisaki mokole i Masiri, lumako sumapoio Yerusale, hangano nahi dompetenunu ndi Ondae i Ue.

2 Tawarika 28:3

Onae montunu mbo'u pesomba i Lebaki Beni-Hinomi ka montunu anano gagi pesomba a laro api, mengkena kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Tawarika 33:3

Onae wali wanguo luwuno po'ianga pesombaa anu umari pinobangkuno i Hisikia, amano; Iwanguo luwuno meda pontunua pesomba tiado Baala, weweuo luwuno tinaha tadeno i Asera ka menggolontu mesomba a ihino langi ka mesomba ndi onae.

2 Tawarika 7:22

Ka i'amba ira mpotae mia: Hangano domebinta ira i Ue, Ue Alano uempu'udo anu wawa ira mpeluarako inso i wita Masiri, ka hangano mpe'ini ira a mpinesombai susua, mpenggolontu mpelangkaio saru mpesomba ndi onae. Onaemo pu'uno ka Dopotiio luwuno masolaa andio ndi ondae.”

Po'unde-unde 106:36

Ondae mpesomba a lahumoado luwuno tongku, anu gagi pete'umalaado.

Yeremia 16:11

ka pauako iramo, ’Hangano dompebungkui Akumo uempu'umiu, kanandiomo pau-Do i Ue, ondae mbo'u mpontonda iramo pinesombai susua, mpesomba ka mpenggolontu mpesomba ndi onae. Dompebungkui Aku ka nahi dompe'ini a songka-Ku.

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Podoaa 25:3

Mansado to Isaraeli mpe'ini moroso ndi Baala-Peori, tesingkaomo tekuda-Do i Ue a nto Isaraeli.

1 KORINTI 8:5

Hangano maupo hinao hapa anu nineeako ”pinesombai susua,” moiko i suruga, maupo i tolino – ka lano mentee hadio ”pinesombai susua” ka hadio ”ue” anu kanandio –

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 2:11

Onaemo ka to Isaraeli mpoweweu anu mosa'o i aro-Do i Ue, ka mpesomba iramo ia Ba'ala.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.

1 Samueli 12:10

Mpeboo-booli ira ndi Ondae i Ue: Mentehala kamimo, hangano kimpebungkui Iramo i Ue ka mpesomba a luwuno Baala ka Asitore. Kanandio-andio ipotola kamimo inso a ngkaedo iwali mami, kamimo mpesomba ndi Omiu.

1 Samueli 31:10

Ka i'amba luwuno sangka peteano i Saulu domenaao a raha mpelahumoaado i Asitore ka wata ngkoroino domendoeo a bente kota i Beti-Seani.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”