Puu Mpobitara 2:12 - Wunta Mempori

¹² Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.

Puu Mpobitara 2:12 ပူးပေါင်းရင်းမြစ်များ

Po'unde-unde 106:36

Ondae mpesomba a lahumoado luwuno tongku, anu gagi pete'umalaado.

Po'unde-unde 78:58

aroa-Do dompokomahakiakono luwuno po'ianga pompelangkaia, weweu Ira mahaki aroaako luwuno tinahado.

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:16

Mongkona anu kanatuu asalakono gagi petondoni a ngkaemu ka ipetako a ra'imiu, hangano kae-Do i Ue anu moroso wawa kita mpeluarako inso i wita Masiri.”

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 13:9

Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yeremia 16:11

ka pauako iramo, ’Hangano dompebungkui Akumo uempu'umiu, kanandiomo pau-Do i Ue, ondae mbo'u mpontonda iramo pinesombai susua, mpesomba ka mpenggolontu mpesomba ndi onae. Dompebungkui Aku ka nahi dompe'ini a songka-Ku.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 29:18

Onaemo pu'uno si hina i olomiu tama ke beine, pe'etu ke suku, anu a oleo andio aroano mewolili binta Ira i Ue, Ue Alato, kai lako mesomba a mpinesombaido luwuno tongku atuu. Si hina i olomiu haka moluarako rasu ke mopa'i.

Winali 29:25

Ira mesangki mia, ”Hangano ondae atuu nahi domentondao pedandia-Do i Ue, Ue Alano uempu'udo, pedandia anu winutu-Do saru ondae tempono Dowawa ira mpeluarako inso i wita Masiri.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 33:17

Marambano kana ana sapi amba-ambano, ka tanduno kana tandu onua. Onae ta tumanduo luwuno tongku, asa wawontolino, inso i tompano hawe i tompano. Kanatuumo pulunsowuno to Eparai, ka sowuno to Manase.”

Winali 4:25

Tewala mpe'ana ue komiu ka gagi mota'u i wita atuu, ka impogau mokoburu mpoweweu tinaha kana hapamo koa ka mpoweweu hapa anu mosa'o a pongkita-Do i Ue, Ue Alamiu, komiu mokontekuda Ira.

Winali 5:9

Si mpenggolontu mpelangkaio ke mpesomba ndi onae, hangano Ongkue Ue, Ue Alamiu, onaemo Ue Ala anu monsiri, anu mombalo salano ama a luwuno anano hawe a inuleno ko'otolu ka ko'opaa inso a luwuno mia anu umo'aliaaKune.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Puu Mpobitara 10:11

Sine Pau-Do i Ue a nto Isaraeli, ”Nde komba Ongkue ke anu tumolosikomiu te'inso a ngkaedo to Masiri, to Amori, inuledo to Amoni, to Pilisiti,

Puu Mpobitara 5:8

Itempono mia mpobiniki anu pinesombai wo'ohu, mpetea ia mpewowano inia. Menteeano, maupo te'asa kanta ba kansai nahi tengkita i olono pato pulu nsowu mia i Isaraeli.

Puu Mpobitara 8:33

Mansano mate i Gideo, wali iramo mbo'u mpelahumoa to Isaraeli saru mentondao Baala ka mpesombaio Baala-Beriti.