Puu Mpobitara 2:1 - Wunta Mempori

¹ Ka i'amba Mala'eka-Do i Ue lumako inso i Giliga tetutu i Bokohi ka mepau, ”Kukongkomi komiumo mpeluarako inso i Masiri ka Kuwawa komiu ia wita anu Kudandiakomiu saru sumpa ndi ue mpu'umiu. Mepau Akumo: Komba Aku balio pedandi-Ku ndi omiu ranta nahina tampulaano,

Puu Mpobitara 2:1 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 16:13

Ka i'amba i Hagari pauo nee-Do i Ue anu mepau Iramo ndi onae atuu, ”Omiumo Eli-Roi.” Hangano ipotae, ”Mentee ntu'uke i ndi'ai kukita Ira umari-Do kumita aku?”

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

Po'unde-unde 89:3

Menteeano kupotae: Pompehohawa-Miu anu nahi bali winangu ranta nahina tampulaano; petenunu-Miu nahi telelu kana langi.

Po'unde-unde 89:34

Sine Aku koa mehohawao mpiha ka petenunuKu nahi Aku balio.

Peluarakoa 14:14

Ondae i Ue Ira meteaakomiu, ka omiu impenoro-noromo koa.”

Peluarakoa 14:19

Umarino atuu, mala'eka-Do Ue Ala anu se'eluno melempa i arodo sorodadu Isaraeli, melimba melempa i bungkudo. Tondonino a nseru melimba inso arodo ka mentade i bungkudo.

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 23:20

”Aku montena mala'eka melempa i aromiu, kumongkomi komiu a nsala ka wawakomiu a mpo'ianga anu Kupatindaomo.

Peluarakoa 33:14

Ka i'amba mepau Ira i Ue, ”Ongkuemo anu kumongkomiko ka moweeko rodoa.”

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yeremia 14:21

Itarima kamimo, a nee-Miu, ka siimo Ipokomoteweo kadera maramba-Miu! Irambeomo pedandia-Miu saru omami ka siimo Ibalio!

Imama 26:42

Aku rumambeo pedandia-Ku saru i Yako; pedandia-Ku mbo'u saru i Saki ka pedandia-Ku saru i Burahima ka wita atuu Aku rumambeo mbo'u.

Imama 26:44

Maupo kanandio, tempono domekongko i witano iwalido, nahi Aku mebungkui ira ke nahi Aku te'osaako ira, ranta Aku rumopu ira ka pedandia-Ku saru ondae nahi gagi, hangano Ongkuemo Ue, Ue Alado.

Sakaria 11:10

Ka ku'amba umalao tuko ”Me'aroa” atuu, ka ku'amba puduo ka nami gagi anu Kuwutuomo saru luwuno bawaa.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

Podoaa 14:34

Menunu saru porokono oleo imempadasoo wita atuu, pato pulu oleo, ka asa oleo rineke asa nta'u, ka ilarono pato pulu nta'u asalakono komiu mentembio salamiu, ka imento'orio anu nahi Kupe'eheo.

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

Puu Mpobitara 11:24

Nde komba ke anu rinontuno i Kamosi, anu pinesombaimiu, onaemo gagi tiamu? Kanandiomo luwuno anu rinontu-Do i Ue, Ue Ala mami, ndi omami, onaemo atuu gagi tia mami.

Puu Mpobitara 13:2

I tempo atuu hinao asa mia te'inso i Sora, te'inso a inuledo to Dani, neeno i Manoa. Kombiano biita, nahina anano.

Puu Mpobitara 13:3

Ka i'amba Malaeka-Do i Ue mepopokita ia beine atuu ka ipepauakono, ”Mentee omue biita, nahina anamu, sine ikomentia ka me'anaako asa ana ntama.

Puu Mpobitara 2:5

Onaemo ka inineeako Bokohi po'iangaa atuu. Ka i ra'ai dompompesombaako pesomba ndi Ondae i Ue.

Puu Mpobitara 6:8

Ondae i Ue montena nabi ia nto Isaraeli anu mompauako ira, ”Kanandiomo pau-Do i Ue, Ue Ala to Isaraeli: Ongkuemo anu wawakomiu mpeluarako te'inso i Masiri ka anu wawakomiu mpeluarako inso a tepe'ataamiu.