Puu Mpobitara 18:9 - Wunta Mempori

⁹ Sangkido, ”Impepantindamo, me'aiwamo ka tomelako mensapoi ira, nde kimengkitao witado lano tedoa moiko. Tembio ka nahi mpelelu! Si mpeluweki tomelako mpewinso mpentorokio wita atuu.

Puu Mpobitara 18:9 ပူးပေါင်းရင်းမြစ်များ

2 Samueli 10:12

Pokorosoomo aroamu ka aiwamo tompokodatoo tinooto tiano tongkuto ka tiano luwuno kota-Do Ue Alato. Po'ineeomo Doweweuo i Ue anu moiko a pongkita-Do.”

1 Mokole 22:23

Gagi, menteeano Donaaomo i Ue penaa megaupi a laro ngangado luwuno nabimu andio. Dopakosiomo i Ue masolaa ndi omue.”

1 Mokole 22:3

Se'eluno umariomo mokoledo to Isaraeli pauako ira pegawaino, ipotae, ”Nde imento'orio koa ke, nine Ramoti-Gilea ba kanaano ontae mpe'ueo? Sine butu kita mpo'ia, nahi tompete'umalao inso a ngkaedo mokole i wita Arami.”

Podoaa 13:30

Ka i'amba i Kalebi mo'arahako mokorodoo aroado tongku atuu i arono i Musa, ipotae, ”Naahi! Kita koa melako ka mpetorokio wita atuu, hangano manasa kita koa menangio!”

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

Yosua 18:3

Onaemo ka ipotae i Yosua a nto Isaraeli, ”Ba da ta tehine mbo'u impeluweki, ka nahi melako mpo'ia ia inia anu Doweeako miu i Ue, Ue Alado uempu'u miu?

Puu Mpobitara 18:10

Ba mpewinso komiumo, komiu kumita ira palili anu mentuwu manangai, ka wita atuu malua i manggali ka i koana. Asalakono, Ondae Ue Ala Ira meweengakono ia ngkaemiu. I tu'aimo po'ianga anu nahina makurano i wawo ntolino.”

Puu Mpobitara 18:8

Mansado mpekule ia pe'etudo i Sora ka i Esitaoli, mpesikeno iramo ndi ondae, ”Hapake anu hinawemiu i ra'ai?”

1 Samueli 4:9

Pokorosoo aroamiu ka imemosia, Oo to Pelisiti, kasi megagi atado to Ibarani, kana ondae hori ira megagi atamiu. Impokomosiao aroamiu ka impeteamo!”