Puu Mpobitara 18:12 - Wunta Mempori

¹² Melako ira, mpekemah i Kiriati-Yearimi i Yehuda. Onaemo po'ianga atuu ka i nineeako Mahane-Dani ranta kanandio; po'iangano i sookano oleo Kiriati-Yearimi.

Puu Mpobitara 18:12 ပူးပေါင်းရင်းမြစ်များ

2 Tawarika 1:4

Sine, i Daudi i ndi'ipua wawao Burua-Do Ue Ala inso i Kiriati-Yearimi a mpo'ianga anu ipatindaakono Burua atuu, hangano ipasaomo kema po'iangano Burua atuu i Yerusale.

Yosua 15:60

Kiriati-Baali, onaemo Kiriati-Yearimi, ka Raba; orua kota ka luwuno iniano.

Yosua 15:9

Ka i'amba tida atuu melengkuako inso i punsuno torukuno atuu lumako ia mata uwoi Me-Nepatoa, ka ipeluarako lumako i kota i mentorukuno Eperoni, ka i'amba tida atuu melengkuako lako i Ba'ala, onaemo Kiriati-Yearimi.

Yosua 9:17

Nde melako iramo to Isaraeli, ko'otolu oleono hawe iramo ia kota-kotado mia atuu; onaemo Gibeo, Kepira, Beero, ka Kiriati-Yearimi.

Puu Mpobitara 13:25

Ka i'amba Penaa-Do i Ue mompu'u lumeluo aroano i Simeso i Mahane-Dani, anu i olono Sora ka Esitao.

Puu Mpobitara 18:11

Mpelungka iramo inso i ra'ai, inso i Sora ka Esitaoli, onoo etu mia tongku Dani, saru sangka mpeteado.

Puu Mpobitara 18:13

Inso i ra'ai melako ira a mentorukuno Eparai ka domehawe i rahano i Mika.

1 Samueli 6:21

Mpontena ira mia melako a mpalilino Kiriati-Yeari, saru pe'oliwi, ”Me'aiwa iramo to Pelisiti mempokuleo Burua Pedandia-Do i Ue. Ime'aiwamo ka imewawao ndi omiu.”

1 Samueli 7:1

Me'aiwa iramo to Kiriati-Yeari ka domewawao Burua Pedandia-Do i Ue. Domewawao i rahano i Abinada a pongkuno wita ka dompokomemporio i Eleasa anano, anu ta dumagaio Burua Pedandia-Do i Ue.