Puu Mpobitara 17:5 - Wunta Mempori

⁵ I Mika andio hinao raha pesombaano. Iweweuo lemba epo ka terapi ka ipotoroo asa anano anu tama gagi sando mpesomba.

Puu Mpobitara 17:5 ပူးပေါင်းရင်းမြစ်များ

Tegagia 31:19

Ka i Laba se'eluno lumakoomo mogonti wuludo bimbano. I tempomo atuu i Raheli monakoo terapi pelahumoaano amano.

Tegagia 31:30

Kanandio-andio, tewala lano asalakono kolumako, hangano tedoa tekewoi i rahado amamu, tembio ka uponakoo luwuno pinesombaiku?”

1 Mokole 12:31

Iweweu ira mbo'u raha mpesombaa po'unde-undea lahumoa ka ipotoro ira sando mpesomba inso a mpalili anu komba inuleno i Lewi.

1 Mokole 12:32

Ka i'amba i Yerobea pakosio asa oleo langkai a oleo anu kohopulu ka olima wula ko'oalu, mengkena kana oleo langkai i Yehuda, ka onaeno mewuatako a ensano pontunua pesomba atuu. Kanandiomo iweweuo i Beteli. Ipesombaakono pesomba a luwuno ana nsapi anu wineweunomo atuu. Itena ira mbo'u sando mpesomba a mpo'ianga po'unde-undea anu iweweuomo.

Esera 1:7

Mokole Koresi metena mbo'u lumuarakono parewano Raha-Do i Ue anu winawano i Nebukanesa inso i Yerusale ka inaao a laro raha pesombaa susua.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

Peluarakoa 28:15

Tutuwi rada po'alaa pompakosi omue asalakono weweuo mengkena kana lemba epo. Omue asalakono weweuo sinula inso a bana wulaa, wungoo motu'a, wungoo mongura, motaha motu'a ka lena alusu anu kinoloro banano.

Peluarakoa 28:4

Ndiomo sangka anu asalakono ira meweweuo: tutuwi rada, lemba epo, lemba meloe i bungkuno, lemba meloe i larono anu sinula, peboo ulu ka sulepe. Asalakono kanandiomo domeweweuo sangka mempori tiano i Haruni, akamu ka tiado luwuno anano, ka dompopekakaako gagi sando mpesomba ndi Ongkue.

Peluarakoa 29:9

Peboo ntonga, asalakono pokonaakono i Haruni ka a luwuno anano ka peboo ulu atuu, pokonaako ira, ranta ka domegagi sando mpesomba menunu saru pompakosi nahina tampulaano. Kanatuumo urapi ira i Haruni ka luwuno anano.

Yesaya 44:13

Puu mpo'angga keu padindio koloro posongka ka mogaresi weweuno songka asa tadeno tinaha. Onae umanggaakono pa'o ka gumaresiakono jangka, ka i'amba weweuo tadeno kana asa tama, kana tekosino tadeno mia, ka ta ninaa a laro raha mpelahumoaa.

Yehesikieli 21:21

Hangano mokole i Babeli mentade a sampangano sala atuu, a pompu'uano orua sala atuu ta moweweu anu nahi manasa. Iseduo anano mpana, mo'ema pontiso inso a ntinaha pelahumoaa, ka iparesao ateno kondehora.

Yehesikieli 21:26

Kanandiomo pau-Do Ue Ala: Lohuomo peboo ulumu ka oniniomo ramba-ramba ulumu! Luwuakoano nahi ta mengkena kanandio-andio. Anu tetotoako asalakono tinande, anu mantande asalakono tinotoako.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Hosea 8:14

I Isaraeli kumolupeo anu mokogagio ka montadeo luwuno langkanae; i Yehuda mokohadioo kota mebente; sine Aku mompotola api i larono luwuno kotado, ka i'amba luwuno bente ka langkanaedo ta kumaano.

Podoaa 3:10

I Haruni ka luwuno anano asalakono tena ira ka dome'inio anggaa sando mpesomba, sekono mia biasa anu merangkuhako, asalakono hinuku mate.”

IBARANI 5:4

Ka nahina maupo te'asa mia anu umalao pompelangkai atuu tiano koroino onaeno, sine onae atuu Dopoboiakono Ue Ala, kana anu gagiomo ndi Haruni.

Puu Mpobitara 17:4

Sine mia atuu ipokuleo doi atuu ndi ineno, ka beine atuu umalao rua etu doi salaka ka iweeakono ia puu mpoweweu salaka anu moweweu tinaha ka tinaha hinola te'inso ia doi atuu; onaemo ka tinaha atuu ninaa i rahani Mika.

Puu Mpobitara 18:14

Mpotae iramo mia olima atuu anu umari mempadasoo wita Laisi atuu. Mpotae ira ia pe'etudo, ”Imento'orioke, motae ilaro raha andiodo hinao lemba epo, terapi, tinaha ka tinaha hinola? Onae ka imento'oriomo hapa anu ta wineweumiu!”

Puu Mpobitara 18:24

”Lahumoa anu wineweuku saru sando mpesomba ime'alao ka imewawao. Hapa mbo'u anu datebinta ndi ongkue?” Tembio kau potaeakune: Hapake tinoomu?

Puu Mpobitara 18:30

Inuleno i Dani mpowangu ira tinaha tiado. I Yonata anano i Geresomi anano i Musa saru luwuno anano gagi sando mpesomba tongku Dani, ranta palili inia atuu domewawa ira gagi kana mia tinadi.

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.

1 Samueli 19:13

Umarino atuu i'alao i Mikali keu tinaha kana mia ka inaao a mpoturia, iponaakono pa'ulua wulu bembe a uluno poturia ka i tutuwiakono hawu.

1 Samueli 23:6

Tempono ipolai i Abiata anano i Ahimele lumako ndi Daudi i Kehila, iwawao epo a ngkaeno.