Puu Mpobitara 17:2 - Wunta Mempori

² Motaeomo ndi ineno, ”Doi salaka anu asa nsowu ka asa etu atuu, anu inalado mia inso ndi omiu, onaemo ka itotonaao, ongkueku anu rumongeo pau miu atuu, lano doi atuu ndio ndi ongkue, ongkue anu umalao.” Mepauomo ineno, ”Doronsoko i Ue anaku”

Puu Mpobitara 17:2 ပူးပေါင်းရင်းမြစ်များ

Tegagia 14:19

Ka i'amba rumonsoo i Burama, ipotae, ”Po'ineeomo i Burama Doronsoo Ue Ala Anu Tedoa Mantande, Anu Mokogagio langi ka tolino,

Nehemia 13:25

Kutata ira ka kutotonaa ira. Ba'opia mia i olodo kutunduhio ka kubutao wuuno, ka ku'amba tumenao mesumpa a nee-Do Ue Ala, kanandio, ”Sii ntu'u impeweengako ira ana beinemiu domengkombia ira ana ntamado ke mpo'ala ana beinedo gagi kombiado ana ntamamiu ke tiano koroimiu!

Po'unde-unde 10:3

Hangano mia mosa'o gauno mo'undeakono po'eheno aroano, ka mia modoko mompepaukiako ka tumata Ira i Ue.

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Powadi 28:24

Isema morontu amano ka ineno ka tumuduo nine atuu komba hala, onae walino anu monsolangi.

Yeremia 48:10

Tetotonaaomo mia anu nahi weweuo anggaa-Do i Ue, ka tetotonaaomo mia anu nahi eheakono ponai-Do inso a mpo'uwua rea!

I MATIU 26:74

Ka mompu'uomo i Peturu montotonaa ka ipesumpa, ”Nahi kuto'orio mia atuu.” Ka i tempo atuu kumokoroidoomo manu.

ROMA 9:3

Tendeano, ineheku tetotonaa ka teponsia inso ndi Ondae i Kerisituu hangano luwuno pepaekompoku, pe'asa tongkuku montonda tuwu ntolino.

1 KORINTI 16:22

Isema nahi kekewoi Ira i Ue, tetotonaaomo. Maranata!

Winali 27:16

’Tetotonaaomo mia anu me'uru-uruo ineno ka amano.’ Luwuno tongku atuu, asalakono mpotae, ’Ami!’

2 YOHANE 1:11

Hangano ba isema metabeio, onae mohawe tia a mpoweweuno anu mosa'o.

Puu Mpobitara 17:1

Hinao asa mia te'inso a mentorukuno Eparai, i Mika neeno.

Puu Mpobitara 17:3

Umari atuu ipokuleomo doi salaka asa nsowu ka asa etu atuu ndi ineno: Sine ipotae ineno, ”Aku mokomemporio doi atuu ndi Ondae i Ue, aku metiakono ndi anaku, ka iwineweu tinaha, ka tinaha hinola te'inso ia doi atuu. Kanandio, doi atuu kupokuleo ndi omue.”

Puu Mpobitara 5:23

”Totonaao kota Mero!” Pau-Do Mala'eka-Do i Ue, ”Totonaaki ira palilino, hangano nahi dome'aiwa tumeahako Ira i Ue, tumeahako Ira i Ue i olodo luwuno pongkiari.”

Ruti 3:10

Motaeomo i Boasi, ”Doronsoko i Ue, o anaku! Kanandio upopokitaomo ntu'u moputeno aroamu, sekono amba-ambano, nde omue nahi upontondari tama mongura, moiko anu mongkokolaro ke anu mompoli.

1 Samueli 14:24

Tempono dompembasaio to Isaraeli tedadodo oleo atuu, i Saulu tumena ira palili mpesumpa, ”Tetotonaaomo mia anu mongkaa hapamokoa se'eluno napi ngkiniwia, ba napi kupombalo pontooku a iwaliku.” Onaemo pu'uno luwuno palili nahi dompongkaa maupo tedeimokoa.

1 Samueli 14:28

Asa mia inso a mpalili motae, ”Amamu tumena ira palili ka dompesumpa ntu'u, ipotae: Tetotonaaomo mia anu mongkaa hapamokoa oleo andio, onaemo palili ka domemolema ka ntelusa.”

1 Samueli 15:13

Mansano hawe i Semueli ndi Saulu, motaeomo i Saulu ndi Semueli, ”Ondae i Ue rumonsokomiu! Umariomo kupolempao songka-Do i Ue.”

1 Samueli 23:21

Motae i Saulu, ”Ondae i Ue rumonso komiu hangano impo'inee aku tuwu.

1 Samueli 26:19

Kanandio-andio ueku mokole, iperorongeakono wainto anu pinauno tetenaamiu andio. Tewala Ondae i Ue anu tumenakomiu umewai aku, po'ineeomo ka Dopemoikoo woono pesomba. Sine tewala inso a mia, tetotonaa iramo i aro-Do i Ue, hangano oleo andio domensaari akumo, ranta nahi kupohawe tia pusaka-Do i Ue. Mpotae iramo, ’Lakomo pesomba a anu pinesombai susua.’