Puu Mpobitara 16:30 - Wunta Mempori

³⁰ Motaeomo i Simeso, ”Po'ineomo kumate merongaako ira to Pelisiti andiodo.” Me'odoomo ka ipeteahako, tebangkuomo raha langkai atuu, dumunsi ira luwuno mokole kota atuu ka luwudo mia anu i larono. Anu memate tempo atuu hadioopo sekono anu memate se'eluno itempono ituwu.

Puu Mpobitara 16:30 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Ayubi 20:5

nine maroano mpeboolido mia mosa'o gaudo butu sarai, ka mawongkodo mia bunto butu asa mpiniro?

Ayubi 31:3

Kombake matea tiano mia anu molengku ka urasa'o tiano mia anu moweweu mosa'o?

Po'unde-unde 62:3

Butu koa Ondae torukuno watuku ka tekaduduiaku, kota benteku, nahi aku hori telelu.

Puu Pontutulu 9:12

Menteeano, mia nahi to'orio tempono. Kana bou anu konarako a laro buani anu monsolangi, ka kana manu-manu anu kona rako a laro oho, kanatuumo anado mia kona oho a tempo anu urasa'o tempono mongkona atuu mepobingko umalu ira.

I MATIU 16:25

Hangano ba isema ta kumaduduio penaano, ta tetadi penaano; sine ba isema tetadi penaano hangano Ongkue, onae ta humaweo.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

PILIPI 2:30

Nde hangano anggaa-Do i Kerisituu ilawupo imate ka ita'oo penaano mokosompoo hapa anu da makura a laro pompekakaakomiu ndi ongkue.

PILIPI 2:8

Ka a laro nteweweu-Do kana mia, me'urumako Iramo ka momperorongeako hawe ka Domate, tendeano ranta mate a ngkeu pinotamba.

KOLOSE 2:15

Dololohi iramo anu mpeparenta ka anu mempabawa ka mokogagi ira kikitaado mia hadio a mponangi-Do ndi ondae.

1 TESALONIKA 5:2

hangano omiu isa'a mento'orio ntu'u, nine oleo-Do i Ue hawe kana mia monako tempono wongi.

Puu Mpobitara 14:19

Mewinsoomo Penaa-Do i Ue ndi onae. Onae metii lumako i Asikeloni ka ipepate ira tolu pulu mia iraane. Ilohu ira sangkado ka iweeako ira sangka pompelangkai atuu a luwuno mia anu mehaweo sangkino singguruno. Ka i'amba mekule a rahano amano, da tedoa mokula aroano.

Puu Mpobitara 15:15

Ka i'amba ihaweo asa wuku aseno kalide anu da wo'ohu. I'alaomo wuku atuu, ka ipepate ira asa nsowu mia.

Puu Mpobitara 15:8

Hangano pobongono anu tedoa moroso ipuro-puro ira. Ka i'amba lumakoomo ka ipo'ia i larono kunepo a pongku watu Etami.

Puu Mpobitara 16:29

Ka i'amba i Simeso kumopuio orua karu raha anu i tongano, parantadano raha atuu, parantadano anu asa ikoanano ka parantada anu susua i manggalino.

Puu Mpobitara 16:31

Umarino atuu mehawe iramo luwuno pe'etuno ka pepaekompono, domentandeo ka domewawao inso i tu'ai. Domengkaburuo i olono Sora ka Esitaoli ilarono kaburuno i Manoa, amano. Ipoparenta gagi puu mpobitarado to Isaraeli rua pulu nta'u tehineno.