Puu Mpobitara 16:21 - Wunta Mempori

²¹ Domerakoomo to Pilisiti, domensunggeio orua matano ka domewawao i Gasa. I ra'ai dometorungkuo ka domeranteakono rante mala ka inanggano butu mogili.

Puu Mpobitara 16:21 ပူးပေါင်းရင်းမြစ်များ

2 Mokole 25:7

Luwuno anano i Sedekia sinumbele i arono matano onaeno, ka i'amba matano i Sedekia pinokomorawu. Onae pinonguako rante mala ka winawa i Babeli.

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

Po'unde-unde 149:8

ka domemponguakono rante luwuno mokoledo, ka saru koloro labu luwuno ulea mokoledo,

Peluarakoa 11:5

Luwuno ana aka i wita Masiri ira memate, mompu'u inso a ana amba-ambano i Pirao anu mentoro a ngkadera poparentaano hawe a ana amba-ambano ata beine anu mpo'aropi watu pogilia, kanatuu koa mbo'u luwuno anano pinotuwu anu amba-ambano.

Powadi 14:14

Mia anu aroano humapu Ira i Ue tendeako pesalaano, ka mia anu moiko saru hapa anu hina ndi onae.

Powadi 2:19

Luwuno mia anu aiwa ndi onae nahi pekule mbo'u, ka nahi pohawe sala ntuwua.

Powadi 5:22

Mia mosa'o gauno kona rako a laro wineweuno mosa'o, ka kona oho a laro ngkoloro halano onaeno.

Yesaya 47:2

Alaomo watu pogili ka giliomo tarigu, oninio soumbumu; sungkeomo hawumu, posabaomo pa'amu, saki iramo korono!

Yeremia 39:7

Umarino atuu matano i Sedekia ipokomorawuo, ka i'amba ponguakono rante mala ka iwinawa i Babeli.

Ponsabangi 5:13

Mia memongura asalakono mpontembi watu pogili, nana'ote mentebangku hangano mobeano keu pino'aha.

Podoaa 16:14

Mentee ntu'u, nahi uwawa kami ia wita anu hadio ntu'u susu ka siu hoanino, ke maupo moweeakami bonde ka lere anggoro gagi tia pusaka. Potaemu komokomorawuo matado mia andiodo? Nahi kami behe me'aiwa.”

I MATIU 24:41

tewala hinao orua beine tekonai mogili, anu aasa ta winawa ka anu susua ta bininta.

Puu Mpobitara 16:20

Mebooliomo beine atuu, ”To Pelisiti ira merakoko, Simeso!” Mekaangakoomo i Simeso inso ia mpoturiano; pompewowolono, ”Kana anu se'eluno, aku koa mokompepalu ka kutola.” Sine nahi pokonto'orio nine Dobintaomo i Ue.

Puu Mpobitara 16:22

Sine wuuno mompu'uomo mbo'u tuwu umarino kineru.