Puu Mpobitara 15:19 - Wunta Mempori

¹⁹ Ka i'amba Dobansio Ue Ala watu mebolo anu i Lehi, ka meluarakoomo uwoi inso i tu'ai. Umarino mo'inu, waliomo moroso mbo'u. Onaemo pu'uno kai nineeako Eni Hakore, ranta kanandio da kongko i Lehi.

Puu Mpobitara 15:19 ပူးပေါင်းရင်းမြစ်များ

Tegagia 16:13

Ka i'amba i Hagari pauo nee-Do i Ue anu mepau Iramo ndi onae atuu, ”Omiumo Eli-Roi.” Hangano ipotae, ”Mentee ntu'uke i ndi'ai kukita Ira umari-Do kumita aku?”

Tegagia 28:19

Ineeakono po'ianga atuu Beteli, sekono i ndi'ipua neeno kota atuu Lusi.

Tegagia 30:30

hangano arataamiu butu tedei se'eluno napi kuhawe, sine kanandio-andio tetiangiomo hadio ntu'u, ka Doronso komiumo i Ue mompu'u kukongko i ndi'ai. Gagi te'ipiapoke kupokompo'angga tiano somboriku ongkueku?”

Tegagia 45:27

Sine mansano dompohaweakono luwuno pau anu pinauno i Yusupu, ka mansano kumitao kareta anu inoliwino i Yusupu aiwa umalao, waliomo tewangu rosono i Yako, amado.

Po'unde-unde 110:7

Inso a ngkorono a wiwi nsala ipo'inu, onaemo pu'uno, itandeo uluno.

Po'unde-unde 120:1

Penani mekoho. A laro pompema'isoku kupebooli ndi Ondae i Ue ka Dosangki aku.

Po'unde-unde 34:6

Kita Iramo, asalakono rupamu ta mewanta ka nahi ta kongira-ngira.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Peluarakoa 17:15

Ka i'amba i Musa mowangu pontunua pesomba ka ineeakono, ”Ondaemo i Ue poponangiku!”

Yesaya 40:26

Po'aroomo matamu i langi ka kitaomo: Isema anu mokogagio luwuno anano wula atuu ka wawa ira luwuno sorodadudo mpeluarako, saru moboio luwuno needo? Hangano Ondae tedoa pabawa ka tedoa moroso, nahina maupo te'asa anu nahi hawe.

Yesaya 40:29

Anu mokendo Dopoweeakono roso ka tumiangio rosono anu nahi pokompelelu.

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Podoaa 20:11

Umarino atuu i Musa tumandeo kaeno, ka i'amba tumunduhiakono tukono pendua pongku watu atuu, onaemo ka ipeluarako hadio uwoi, ranta ka dompo'inu bawaa atuu ka pinotuwudo.

Puu Mpobitara 15:9

Melako iramo to Pelisiti atuu mpekemah i wita Yehuda ka dompesiarawo i Lehi.

1 Samueli 30:12

Ka do'amba mpoweeakono asa mpole kukisi ara ka orua kukisi kisimisi. Mansano mongkaa, morosoomo mbo'u, hangano tolu oleo ka tolu wongi nahi hori mongkaa.