Puu Mpobitara 15:18 - Wunta Mempori

¹⁸ Mansano tedoa mokoranga, mebooliomo ndi Ondae i Ue, ”Kae tetenaa Miu andio Ipowee aku poponangi anu langkai. Sine kanandio, akumo mate mokoranga ka tedonta a ngkaedo mia anu nahi dompetindi andio!”

Puu Mpobitara 15:18 ပူးပေါင်းရင်းမြစ်များ

Tegagia 20:11

Ka i'amba motae i Burahima, ”Kupewowoloo, nahina doitoako Ira Ue Ala a mpo'ianga andio, ranta aku pinepate hangano beineku.

Tegagia 32:31

Sabaomo oleo i wawono tempono itelalo i Penieli, ka onae modingge hangano puu pa'ano.

2 Samueli 1:20

Simempaleleo atuu i Gati, simempaleleo atuu a nsala Asikelo, kasi dompo'unde ana beinedo to Pelisiti, kasi dompo'unde-unde ana beinedo mia anu nahi petindi!

I YOHANE 19:28

Umarino atuu, hangano Doto'orio i Yesu, nine luwuakoano umariomo, mepau Iramo – ka i'inihiimo anu teburi a Wunta Mempori –, ”Mokoranga Aku!”

IBARANI 11:32

Ka hapa mbo'uke anu asalakono kupao? Hangano nahi ta sompo tempoku, tewala aku tumutuluo mongkona i Gideo, i Baraki, i Simeso, i Yepeta, i Daudi ka i Semueli ka luwuno nabi,

Puu Mpobitara 14:3

Sine ama ka ineno motaeakono: ”Nami hina ke asa ana beine i olodo ana beine pe'etumu ke i olodo tongkuto ranta kau po'ala kombiamu inso a nto Pelisiti anu nahi dompetindi atuu?” Sumangki i Simeso ndi amano, ”Lakomo alaakune, nde onaemo moko'alao aroaku.”

Puu Mpobitara 15:17

Umarino motae kanandio, ipewunoakono wuku ase atuu inso a ngkaeno. Ka i'amba po'iangaa atuu nineeako Rama Lehi.

Puu Mpobitara 16:28

Mebooliomo i Simeso ndi Ondae i Ue, ipotae, ”O Ue Ala, ipewowolo aku Ue, i powee aku roso, maupo tepohonamo koa, O Ue Ala, ka kupombaloakono orua mataku ia to Pilisiti.”

Puu Mpobitara 8:4

Mansano i Gideo hawe ia ngkoro Yarade, mesakiakoomo saru tolu etu mia anu merongaakono. Maupo memokendo iramo, kongkodo mpepolulu.

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 27:1

Motae i Daudi i laro aroano, ”Asa tempo ta mepate aku i Saulu. Laluopo aku lumako i witado to Pelisiti. Gagi nami ta hori mbo'u i Saulu umungke aku a luwuno witado to Isaraeli ka akumo tola inso a ngkaeno.”