Puu Mpobitara 14:6 - Wunta Mempori

⁶ I tempono koa atuu mewinsoomo Penaa-Do i Ue ndi Simeso, onaemo ka i Simeso sumempaakono kaeno singa atuu kana mosempa ana bembe. Sine nahi tutuluako ira amano ka ineno hapa anu wineweuno atuu.

Puu Mpobitara 14:6 ပူးပေါင်းရင်းမြစ်များ

Po'unde-unde 91:13

Singa ka ule mo'ito kolumandao, anano singa ka ule naga kolumolandao.

Yesaya 42:2

Onae nahi ta mebooli ke mokolangkaio suarano ke moporongeo suarano a nsala.

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

I MATIU 11:29

Imentembiomo tinembi anu Kupopotembia komiu ka impepagurumo ndi Ongkue, hangano Ongkue mauru ka me'urumako ka sumangamiu ta mohawe rodoa.

IBARANI 11:33

anu hangano pompe'ala-ala ka domenangi iramo poparentaa, mpoweweu menteea, mehaweo hapa anu dinandi, mpokopuo ngangado singa,

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

Puu Mpobitara 11:29

Ka i'amba i Yepeta bukeako Penaa-Do i Ue. Ilaloo wita Gilea ka wita Manase. Ka i'amba lumaloo Misipa i Gilea, ka inso i Misipa i Gilea lumako i wita inuledo to Amoni.

Puu Mpobitara 13:25

Ka i'amba Penaa-Do i Ue mompu'u lumeluo aroano i Simeso i Mahane-Dani, anu i olono Sora ka Esitao.

Puu Mpobitara 14:19

Mewinsoomo Penaa-Do i Ue ndi onae. Onae metii lumako i Asikeloni ka ipepate ira tolu pulu mia iraane. Ilohu ira sangkado ka iweeako ira sangka pompelangkai atuu a luwuno mia anu mehaweo sangkino singguruno. Ka i'amba mekule a rahano amano, da tedoa mokula aroano.

Puu Mpobitara 14:5

Metiiomo i Simeso lumako i Timena saru amano ka ineno. Mansado hawe i lere anggoro Timena, asa singa mongura menggere te'aro ndi Simeso.

Puu Mpobitara 14:7

Lumakoomo i Simeso mesaritaakono beine atuu, hangano beine atuu ipongko'alao aroano.

Puu Mpobitara 15:15

Ka i'amba ihaweo asa wuku aseno kalide anu da wo'ohu. I'alaomo wuku atuu, ka ipepate ira asa nsowu mia.

Puu Mpobitara 15:8

Hangano pobongono anu tedoa moroso ipuro-puro ira. Ka i'amba lumakoomo ka ipo'ia i larono kunepo a pongku watu Etami.

Puu Mpobitara 16:30

Motaeomo i Simeso, ”Po'ineomo kumate merongaako ira to Pelisiti andiodo.” Me'odoomo ka ipeteahako, tebangkuomo raha langkai atuu, dumunsi ira luwuno mokole kota atuu ka luwudo mia anu i larono. Anu memate tempo atuu hadioopo sekono anu memate se'eluno itempono ituwu.

Puu Mpobitara 3:10

Penaa-Do i Ue pabawaio ka igagi petewawado to Isaraeli. Lumakoomo metea, ka Ondae i Ue mewengakono i Kusani-Risataimi, mokoledo to Arami, onaemo ka inangio i Kusani-Risataimi.

1 Samueli 10:16

Ipotae i Saulu ndi maamano, ”Dopauakami nine kalide atuudo mehinawe iramo.” Sine i Saulu nahi tutuluako ira hapa anu pinaudo i Semueli mongkona potoro mokole.

1 Samueli 10:6

Penaa-Do i Ue ta mo'ia ilaromu pabawaiko ka omue mbo'u kobukeako penaa kana luwuno nabi perongamu. Omue kotebali nami pengkena tuwumu se'eluno.

1 Samueli 11:6

Mansano rumongeo i Saulu pinaudo atuu, Penaa-Do Ue Ala mewinsokio ka tensilaomo tekudano tedoa mongkokongiri.

1 Samueli 14:1

Asa tempo, motae i Yonata, anano i Saulu ndi atano anu mowawa sangka mpeteano, ”Aiwa ka tolako a mpo'iangado puu mpeteado to Pelisiti anu mpodagai i asambalino i ra'ai.” Sine nahi pauakono amano pinewowolono atuu.

1 Samueli 17:46

Oleo andio Ondae i Ue Ira meweengakomu a ngkaeku ka aku mepateko ka aku poleo ulumu. Oleo koa mbo'u andio wata ngkoroido sorodadu to Pelisiti aku weeako ira manu-manu i laro meene ka kondehora mo'ila, ka domento'orio asa wawontolino nine to Isaraeli hinao Ue Alado.