Puu Mpobitara 14:20 - Wunta Mempori

²⁰ Beineno i Simeso pineweengako ia walino anu hori tumondao.

Puu Mpobitara 14:20 ပူးပေါင်းရင်းမြစ်များ

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yeremia 9:5

Anu asa mia mopo'oo anu susua, ka nahina maupo te'asa mia mepau mentee; domempokoleleoomo elodo mepau megaupi; ondae mpokomokendoo koroido mpoweweu anu saala.

Mika 7:5

Si mpe'ala-alao walimu, si pomperorohi a nsambe'e! Dagaiomo wiwimu, tamoako a beine anu mepombole a mpa'amu!

I YOHANE 13:18

Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue.

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

Puu Mpobitara 15:2

Motae amano beine atuu, ”Potaeku u'o'aliaakonomo ntu'u. Onae koa ka kupeweengakono ia walimu. Nde nahi tekosiopo ke uaino sekono onae? Alaomo onae gagi euno.”

Puu Mpobitara 15:6

Mpotae iramo to Pelisiti, ”Wineweuno isema ke andio?” Mesangki ira mia, ”I Simeso, ponino to Timena atuu, nde i'alaomo beineno i Simeso ka ipeweengakono a walino i Simeso.” Ka i'amba melako ira to Pelisiti atuu mentunuo beine atuu saru amano.

1 Samueli 18:19

Haweakoomo tempono i Merabe, anano i Saulu ta pinopokombiaako i Daudi, ndio koa pinopokombiako i Adirieli to Mehola.