Puu Mpobitara 13:6 - Wunta Mempori

⁶ Ka i'amba beine atuu tepohawekono tamano ka ipotae, ”Haweomo ndi ongkue asa tetenaa-Do Ue Ala, rupano kana rupa mala'eka-Do Ue Ala, tedoa mongkokodoito. Nahi kusikenoo ba isua insoano, ka onae koa mbo'u nahi pauo neeno ndi ongkue.

Puu Mpobitara 13:6 ပူးပေါင်းရင်းမြစ်များ

Tegagia 18:2

Onae mengkita ngkoraane, ka ikitao otolu mia mpentade, nahi olai inso ndi onae. Hangano ikita ira, onae melulu inso a mpewowa kemano tumotowo ira, ka i'amba menggolontu mesomba hawe a wita.

Tegagia 32:29

Mesikenoomo i Yako, ”Pauakune ngkuda neemiu.” Sine isangkio, ”Tembio ka upesikenoakono neeku?” Ka i'amba rumonsoo i Yako i tu'ai.

1 Mokole 17:18

Ipotae beine atuu ndi Elia, ”Hapake tinoomu ndi ongkue, oo tetenaa-Do Ue Ala? Hapake aiwamu ndi ongkue hawe mopoto'oriakune salaku ka onae pu'uno anaku ka imate?”

1 Mokole 17:24

Ipotae beine atuu ndi Elia, ”Kanandio-andio kuto'oriomo nine omiu tetenaa-Do Ue Ala ka pau-Do i Ue anu pinaumiu atuu mentee.”

2 Mokole 4:16

Motaeomo i Elisa, ”A tempo kanandio mbo'u, ta'u ramai komongkopui asa ana ntama.” Sine sumangki beine atuu, ”Siimo ueku, oo tetenaa-Do Ue Ala, siimo ipegaupi ndi atamiu andio!”

2 Mokole 4:9

Motae beine atuu a ntamano, ”Menteeano kuto'orio nine mia anu wela tetoro ndi ontae atuu onaemo tetenaa-Do Ue Ala anu mempori.

Peluarakoa 3:2

Ka i'amba mala'eka-Do i Ue mepopokita ndi onae a laro langano api anu meluarako inso a ewo rui. Mansano kumitao, ka tengkitaomo: ewo rui atuu melanga, sine nahi mo'ai.

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Danieli 10:11

Ipotaeakune, ”Danieli, omue mia anu pinehohawa, pe'ihilaroomo pau anu kupauakomu, ka pentademo, hangano kanandio-andio ongkue tinena aiwa ndi omue.” Mansano pauakune mongkona atuu, mentade akumo saru mondidi-ndidi.

Danieli 10:5

kutandeo pengkitaku ka mengkita, tengkitaomo asa mia mesangka sawu lena ka meboo ntongaako wulaa inso i Upasi.

Danieli 8:17

Ka i'amba aiwaomo a mpo'iangaku mentade. Mansano aiwa, ongkue tededengke ka tebangku tepo'opo. Ipotae ndi ongkue, ”To'oriomo, anano mia, nine pongkita atuu mongkona tampulaano tempo!”

I LUKASI 1:19

Mala'eka atuu sumangkio, ”Ongkuemo i Gabarieli anu mekakaako Ira Ue Ala ka tinena akumo mepauakomu ka mohaweo lele moiko andio ndi omue.

I LUKASI 9:29

Tempono kontongaa-Do mekakai, tadeno rupa-Do baali ka sangka-Do gagi mopute tesosangkilo.

WINEWEUDO TINENA 6:15

Luwuno mia anu mpentoro a nterisoa Pobitaraa agama atuu mekokontoo i Setepanu, ka do'amba mengkitao rupano i Setepanu mengkena kana rupano aasa mala'eka.

Winali 33:1

Ndiomo ronso anu iweeako ira i Musa, tetenaa-Do Ue Ala atuu, a nto Isaraeli se'eluno imate.

1 TIMOTIU 6:11

Sine omue hei mia-Do Ue Ala, olaiakonomo luwuno atuu, ungkeomo moleoa, pesomba, petenunua, pompehohawa, pompedato ka mauru.

Yosua 14:6

Hawe iramo inuleno i Yehuda ndi Yosua i Giliga. I tempo atuu mepauomo i Kalebi anano i Yepune, mia i Kenasi atuu ndi onae, ”Uto'orio pau anu pinau-Do i Ue ndi Musa, mia tinena-Do i Ue Ala, mongkona ongkue ka omue i Kadesi-Baranea.

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,

Puu Mpobitara 13:10

Beine atuu tumampu'u melulu pauakono tamano, ipotaeakono, ”Mia anu tempo atuu hawe ndi ongkue, mepopokita mbo'u ndi ongkue.”

Puu Mpobitara 13:22

Mepauomo i Manoa ia beineno, ”Asalakono kita mate, nde tokita Iramo Ue Ala.”

Puu Mpobitara 13:3

Ka i'amba Malaeka-Do i Ue mepopokita ia beine atuu ka ipepauakono, ”Mentee omue biita, nahina anamu, sine ikomentia ka me'anaako asa ana ntama.

Puu Mpobitara 13:7

Ipotae ndi ongkue: Ikomentia ka me'anaako asa ana ntama. Onaemo sipo'inu anggoro ke inua anu mompokomolangu ka sipongkaa kaanga anu inonto, nde te'inso ia laro kompono ineno nana'ote atuu ta gagi mia anu meweengakono tumuwuno ndi Ondae Ue Ala ranta hawe a oleo mateano.”

Puu Mpobitara 13:8

Ka i'amba i Manoa mo'ema ndi Ondae i Ue, ”O Ue, po'ineeomo tetenaa-Do Ue Ala anu tinena Miu atuu aiwa mbo'u ndi omami ka ipagurukami hapa anu asalakono kimeweweuo a ana anu ta hina atuu.”

Puu Mpobitara 6:11

Ka i'amba hawe Mala'eka-Do i Ue, mentoro ia totongkeu tarabanti i Opara, anuno i Yoasi, to Abieseri atuu. I Gideo ka anano monsesa gandu a mpotirisaa anggoro, kai tewuni te'inso a nto Midia.

1 Samueli 2:27

Asa nabi hawe ndi Eli ka ipotae ndi onae, ”Kanandiomo pau-Do i Ue: I tempono ue mpu'umiu da ipabawai ira i Pirao i Wita Masiri, mepopoto'ori Akumo ndi ondae.

1 Samueli 9:6

Sine ata atuu motaeakono, ”Siipo'ari, i kota andio hinao asa tetenaa-Do Ue Ala, asa mia anu tedoa pinelangkai. Luwuno anu pinaudo asalakono gagi. Aiwamo ka tolako i ra'ai, bara'ura ira ta paua kita pesalaa anu ta tinondato.”