Puu Mpobitara 13:18 - Wunta Mempori

¹⁸ Sine sumangki Mala'eka-Do i Ue atuu ndi onae, ”Tembio kau pesikenoakono nee-Ku? Nee atuu tedoa kinohali-haliako.”

Puu Mpobitara 13:18 ပူးပေါင်းရင်းမြစ်များ

Tegagia 32:29

Mesikenoomo i Yako, ”Pauakune ngkuda neemiu.” Sine isangkio, ”Tembio ka upesikenoakono neeku?” Ka i'amba rumonsoo i Yako i tu'ai.

Tegagia 32:30

I Yako numeeakono po'ianga atuu Penieli, hangano ipotae, ”Kukita Iramo Ue Ala tepo'aro rupa, sine penaaku tekadudui!”

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Peluarakoa 23:21

Impepenteeo, imerongeo pinauno. Si me'ewaio, nde nahi ta umoninio halamiu, hangano nee-Ku kongko ndi onae.

Yesaya 9:5

Hangano asa nana'ote hinaomo tiato, asa ana ntama mewineeako kitamo; luwuno poparentaa kongko a wawo oweano, ka neeno domempauo mia: Puu Pompatudu kinohali-haliako, Ue Ala Anu Moroso, Ama anu Nahina Tampulaano, Mokole Sintuwu.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Puu Mpobitara 13:6

Ka i'amba beine atuu tepohawekono tamano ka ipotae, ”Haweomo ndi ongkue asa tetenaa-Do Ue Ala, rupano kana rupa mala'eka-Do Ue Ala, tedoa mongkokodoito. Nahi kusikenoo ba isua insoano, ka onae koa mbo'u nahi pauo neeno ndi ongkue.