Puu Mpobitara 11:27 - Wunta Mempori

²⁷ Gagi nahina salaku ndi omue, sine omue moweweuko anu mosa'o ndi ongkue upe'iwaliakune. Ondae i Ue, puu Mpobitara atuu, Ondaemo anu gagi puu mpobitara oleo andio i ilodo to Isaraeli ka inuledo to Amoni.”

Puu Mpobitara 11:27 ပူးပေါင်းရင်းမြစ်များ

Tegagia 16:5

Motae i Sarai ndi Burama, ”Pompokongkodei anu pinemarasaiku andio onaemo salamu. Lano ongkue weeakomu ataku, sine da iaopo ito'orio, nine onae mentia, ipe'uru-uru aku. Po'ineeomo Ondae i Ue gagi Puu Mpobitara i oloku ka omue.”

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Tegagia 31:53

Ondae Ue Alano i Burahima ka Ue Alano i Nahori, Ue Alano uempu'udo, Ondaemo gagi puu mpobitara i oloto.” Ka i'amba i Yako mesumpa a nee-Do anu Pinelangkaino i Saki, amano.

2 Tawarika 20:12

Oo Ue Alamami, nde nahi Komiu humuku ira ke? Hangano nahina rosomami umaropio sorodadu anu asa bawaa langkai andio, anu aiwa sumapoi kami. Nahi kimento'orio hapa anu asalakono kami meweweuo, sine mata-Miu tetutu ndi omami.”

Ayubi 23:7

I ra'ai mia moleo ira mpokomenteeo koroido i aro-Do, ka aku tola inso a mpuu mpobitaraku ranta nahina tampulaano.

Ayubi 9:15

Maupo ongkue mentee, komba aku umewai Ira, tendeano ongkue asalakono mo'ema pompehohawa ndi Ondae anu tumuntu aku.

Po'unde-unde 50:6

Langi paleleo moleo-Do, hangano Ondaemo isa'a Ue Ala Puu mpobitara. Sela

Po'unde-unde 7:11

Ondae Ue Ala onaemo kantaku, puu pongkaduduido mia anu bobotoli aroano;

Po'unde-unde 75:7

Hangano komba inso i sabaano oleo ke inso i sumooano oleo ka komba inso i pada one haweno pokomantandeno pontudu atuu,

Po'unde-unde 82:8

Ipewangumo oo Ue Ala, bitaraomo tolino, hangano Omiumo anu me'ueo luwuno tongku.

Po'unde-unde 94:2

Ipewangumo, oo Puu Mpobitarano tolino, Ipombalomo wineweuno mia mompelangka-langkai!

Po'unde-unde 98:9

i aro-Do i Ue, hangano Ondae aiwa Ira bitarao tolino. Ira bitarao tolino a laro moleoa, ka luwuno tongku a laro menteea.

Puu Pontutulu 11:9

Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

2 KORINTI 11:11

Tembio ka naahi? Hangano nahi kupehohawa komiuke? Ondae Ue Ala tumo'orio.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,

Puu Mpobitara 11:28

Sine mokole inuledo to Amoni nahi perorongeakono pau anu domempaukono luwuno tinenano i Yepeta.

1 Samueli 2:10

Mia anu umewai Ira i Ue, ta pinoko tampula; hangano ondae, ka Dotekuda kana rundu i langi. Ondae i Ue pabawaio asa wawontolino andio; Ondae moweeakono roso a mokole anu bininiki-Do, ka moweeakono pabawa a mia anu inurapi-Do.”

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 24:13

Po'ineeomo Ondae i Ue gagi puu pobitara i oloto. Po'ineeomo Ondae i Ue anu mombaloakune ndi omue, sine nahi aku umewai komiu,

1 Samueli 24:15

Isemake anu linuluno mokoledo to Isaraeli? Isemake anu linulumiu? Butu dahu mate! Butu anu kana kutu!

1 Samueli 24:16

Po'ineeomo Ondae i Ue anu gagi puu mpobitara ka moweweu pomputusi i oloto. Po'ineeomo Ondae i Ue kumitao ka kumorahakono kara-karaku ka mowee aku moleoa, tepotola inso a ngkaemiu.”