Puu Mpobitara 11:10 - Wunta Mempori

¹⁰ Ka do'amba mpotae mia memota'u to Gilea ndi Yepeta, ”Ia Nee-Do i Ue anu rumongeo, gagi sakosii i oloto: Kami meweweuo kana paumu atuu.”

Puu Mpobitara 11:10 ပူးပေါင်းရင်းမြစ်များ

Tegagia 16:5

Motae i Sarai ndi Burama, ”Pompokongkodei anu pinemarasaiku andio onaemo salamu. Lano ongkue weeakomu ataku, sine da iaopo ito'orio, nine onae mentia, ipe'uru-uru aku. Po'ineeomo Ondae i Ue gagi Puu Mpobitara i oloku ka omue.”

Tegagia 21:23

Kanandio-andio pesumpamo ndi ongkue i ndi'ai a nee-Do Ue Ala, nine nahi komoweweu molengku ndi ongkue, ke a luwudo anaku, ke ana'ue ka ana'ue ntukoku; menunu saru petenunu anu kupopokitao ndi omue. Kanatuumo asalakono uweweuo ndi ongkue ka a wita anu upo'iangario gagi mia mehawe.”

Tegagia 31:50

Tewala nahi moiko ukita ira anaku, ke tewala omue mebeine susua umarino ondae anaku atuu, pewowoloomo, maupo nahina mia saru ontae, Ondae mbo'u Ue Ala anu gagi sakosii i oloto.”

Tegagia 31:53

Ondae Ue Alano i Burahima ka Ue Alano i Nahori, Ue Alano uempu'udo, Ondaemo gagi puu mpobitara i oloto.” Ka i'amba i Yako mesumpa a nee-Do anu Pinelangkaino i Saki, amano.

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Yeremia 29:23

hangano mpoweweu iramo benge-bengea i Isaraeli, mpososabo iramo saru kombiano pe'asa miado ka mpompau iramo pau mpegaupi anu nahi Kuparentaako ira. Ongkue isa'a anu tumo'orio ka sumakosiio, kanandiomo pau-Do i Ue.”

Yeremia 42:5

Dompotae ndi Yeremia, ”Po'ineeomo Ondae i Ue gagi sakosii anu mentee ka pine'ala-ala ndi omami, tewala nahi kimeweweuo montonda luwuno pau petena-Do i Ue, Ue Alamu, ka upohaweo ndi omami.

Mika 1:2

Imerongeomo, hei luwuno tongku! Impekokoongakono, hei tolino saru ihino! Po'ineeomo Ondae Ue Ala gagi sakosii ndi omiu, onaemo Ondae i Ue inso a raha-Do anu mempori.

Sakaria 5:4

Kutenaomo totonaa atuu meluarako, kanandiomo pau-Do Ueno luwuakoano, ka ipewinso a laro rahano mia monako ka rahano mia anu mesumpa nahi mentee a nee-Ku, ka merato a rahado saru rumopuo, moiko keu maupo luwuno watuno.”

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

2 KORINTI 11:31

Ondae Ue Ala, Ama-Do i Yesu, Ueto, anu inunde-unde ranta nahina tampulaano, tumo'orio, nine nahi kupegaupi.

Winali 1:16

I tempo atuu kuparenta ira luwuno puu mpobitaramiu, kanandio, ”Imperioomo kara-kara i olodo pepaekompomiu ka impoweeako ira pomputusi anu moleo, moiko i larono kara-karano asa mia saru pepaekompono maupo saru mia hawe anu kongko ndi onae.

Puu Mpobitara 11:9

Motae i Yepeta ia luwuno mia memota'u Gilea, ”Moiko, ba ikomiu memawa aku mekule me'iwaliako ira inuledo to Amoni, ka Ondae i Ue meweengako ira ndi ongkue, aku gagi petewawamiu.”

1 Samueli 12:5

Ka i'amba motaeako ira, ”Ondaemo i Ue ka mia bininiki-Do gagi sakosii ndi omiu oleo andio, nine nahina impohawe salaku ndi omiu.” Mesangki ira, ”Ondaemo gagi sakosii.”

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.