Puu Mpobitara 10:6 - Wunta Mempori

⁶ To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 10:6 ပူးပေါင်းရင်းမြစ်များ

1 Mokole 11:33

Hangano dompembungkui Akumo ka mpenggolontu ira mpesombaio i Asitore, pinesombaido to Sidoni, i Kamosi, pinesombaido to Moabi, ka i Miliko, pinesombaido inuleno i Amoni. Ondae mbo'u nahi domentuwu mentondao sala-Ku ka mpoweweu anu mentee a pongkita-Ku, luwuno pompakosi ka atora-Ku kana i Daudi, amano.

1 Mokole 11:5

Kanandiomo i Salomo mesombaio i Asitore, lahumoa beinedo to Sidoni ka i Miliko, pesombaado to Amoni anu mokoburu.

1 Mokole 11:7

I tempo atuu, i Salomo mowangu pongku wita pesombaa ndi Kamosi, mokoburua anu pinesombaido to Moabi, i torukuno i sabaano oleo i Yerusale ka ndi Moloki, mokoburua anu pinesombaido inuleno i Amoni.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

2 Mokole 17:16

Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 23:13

Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

2 Tawarika 28:23

Onae mompesombaako pesomba a luwuno pinesombaido to Damasi anu umariomo numangio. Pinewowolono, ”Anu tumulungi ira mokoledo to Arami, onaemo luwuno pinesombaido; ndi ondaemo aku mompesombaako pesomba, ka domentulungi aku ngkuda.” Sine luwunomo anu pinesombai atuu anu weweuo ka luwuno to Isaraeli ntedonta.

Po'unde-unde 106:36

Ondae mpesomba a lahumoado luwuno tongku, anu gagi pete'umalaado.

Yesaya 23:4

Mokoko'iimo Sidoni, hei bente i wiwi ntahi, hangano tahi mepau, ”Nahi kuhori memoluki mompemahaki ka nahi kupe'ana, nahi kuhori mokolangkai ira nana'ote mongura, ka nahi kupompekakaako nana'ote beine.”

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yehesikieli 27:16

Edomi mebalu-balu saru omue hangano hadiono hasilimu. Ondae mpotobosiako paramata watu rea, sawu wungo mongura, sangka mpesora-sora, sawu lena alusu, watu manaha, ka watu delima euno balu-balumu.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 13:8

Si ntenangi ndi onae ka si perorongeakono. Si mokoko'unduakono, si pehohawao ka si mentutuwio salano,

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Yosua 13:31

ka entongano i Gileadi, Asitaro ka Ederei, kota-kota poparentaa Ogo i Basani, gagi tiano inuleno i Makiri, anano i Manase onaemo tia entongano inuleno i Makiri montonda pepe'etuado.

Puu Mpobitara 10:5

Ka i'amba mateomo i Yairi kinaburu i Kamo.

Puu Mpobitara 11:24

Nde komba ke anu rinontuno i Kamosi, anu pinesombaimiu, onaemo gagi tiamu? Kanandiomo luwuno anu rinontu-Do i Ue, Ue Ala mami, ndi omami, onaemo atuu gagi tia mami.

Puu Mpobitara 13:1

To Isaraeli mpoweweu iramo mbo'u anu mosa'o a pongkita-Do i Ue. Onaemo ka Ondae i Ue meweengako ira a ngkaedo to Pelisiti pato pulu nta'u tehineno.

Puu Mpobitara 16:23

Umarino atuu tepumpu iramo luwuno mokole kota to Pelisiti ira mporame-rame langkai pesomba sinumbele ndi Dagoni, pelahumoaado, ira tedoa pompemaroa. Dompotae, ”Dopeweengakonomo anu pinesombaito ia ngkaeto, i Simeso iwalito.”

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.

Puu Mpobitara 4:1

Mansano mate i Ehu, to Isaraeli mpoweweu iramo mbo'u anu mosa'o i aro-Do i Ue.

Puu Mpobitara 6:1

Sine to Isaraeli mpoweweu anu mosa'o i aro-Do i Ue. Onaemo Ondae i Ue meweengako ira ia ngkaedo to Midia, opitu nta'u tehineno,

Puu Mpobitara 8:33

Mansano mate i Gideo, wali iramo mbo'u mpelahumoa to Isaraeli saru mentondao Baala ka mpesombaio Baala-Beriti.

1 Samueli 5:2

Dome'alao to Pelisiti burua pedandia-Do Ue Ala atuu ka domewawao i raha mpesombaa Dagoni. Domenaao i horino Dagoni.