Puu Mpobitara 10:16 - Wunta Mempori

¹⁶ Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.

Puu Mpobitara 10:16 ပူးပေါင်းရင်းမြစ်များ

Tegagia 6:6

Ka Do'amba i Ue me'o'ole nine Dopokogagiomo mia i tolino, ka mongkona atuu mokomasusao aroa-Do.

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

2 Tawarika 15:8

Mansano rumongeo i Asa pau andio ka pe'oliwi-Do i Ue ndi nabi Asaria anano i Odedi atuu, ipokorosoo aroano ka itadio luwuno pinesombai mokoburua inso a luwuno wita Yehuda ka Benami, ka inso a luwuno kota anu pinongko'alano i mentorukuno Eparai. Ipokomoikoo meda pontunua pesomba ndi Ondae i Ue anu kongko i arono bolongko Raha Mempori-Do i Ue.

2 Tawarika 33:15

Itadio luwuno pinesombai susua ka lahumoa inso a Raha-Do i Ue, saru meda pontunua pesomba anu pinontadeno i wawo ntorukuno raha-Do i Ue ka i Yerusale. Luwuno atuu itadio i bungkuno kota.

2 Tawarika 7:14

ka bawaa-Ku anu ndi onae pinau nee-Ku, ka ipe'urumako, mekakai ka aiwa ndi Ongkue ka itepidi inso a luwuno halano anu mosa'o, manasa Aku rumongeo inso i suruga ka umampunio halado, saru momuleo witado.

Po'unde-unde 73:21

Tempono masusa aroaku ka wua horiku kana dinuhu-duhu,

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Hosea 14:8

Ira mpo'ia mbo'u a laro mpe'engoa-Ku ka mentuwu kana gandu; ira ntetiangi kana keu anggoro, anu telele kana anggoro Libano.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

I LUKASI 15:20

Ka mentadeomo ka ilako ndi amano. Tempono onae da olai, ikitaomo amano, ka i'amba teleluomo aroano mehohawao. Amano atuu melulu tepohaweakono ka i'amba kumopuio ka iwoo-wooo.

I LUKASI 19:41

Ka tempono umpeda Iramo i Yesu ka Dokitao kota atuu, Dopengeseio,

I YOHANE 11:34

”Isuake imempomboleo?” Mesangki ira, ”Ue, aiwamo ka Ikitao!”

EPESU 4:32

Sine po'ineeomo ka imemambe pe'aroaako, buke pompehohawa ka mambe'ampuni, kana Ondae Ue Ala Do'ampunikomiumo ndi Ondae i Kerisituu.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

IBARANI 3:10

Onaemo pu'uno ka Kutekuda a anu mentuwu asa api atuu, ka Kupepau: Wela tesosaelo aroado, ka nahi domento'orio pesalaa-Ku,

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.

Yosua 24:23

Ipotae, ”Impetadiakonomo anu pinesombaido mia hawe anu kongko i olomiu, impo'aroomo aroa miu ndi Ondae i Ue, Ue Ala Isaraeli.”

Puu Mpobitara 2:18

Sompo tempo Ondae i Ue moweeako ira puu pobitara, Ondae i Ue kumongkomi ira puu mpobitara atuu ka tumolosi ira inso ia iwalido, tempono domentuwu puu pobitara atuu. Nde Domongkokolaroako Ira i Uerumongeo rumorandaido i arodo luwudo mia anu bobarasai ira.

1 Samueli 12:10

Mpeboo-booli ira ndi Ondae i Ue: Mentehala kamimo, hangano kimpebungkui Iramo i Ue ka mpesomba a luwuno Baala ka Asitore. Kanandio-andio ipotola kamimo inso a ngkaedo iwali mami, kamimo mpesomba ndi Omiu.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”

1 Samueli 7:4

Umarino atuu luwudo to Isaraeli mpetadiakono luwuno tinaha pelahumoa Baala ka Asitore ka dompesomba butu ndi Ondae i Ue.