Puu Mpobitara 1:26 - Wunta Mempori

²⁶ Mia atuudo melako i witado to Heti ka mpompontade kota anu domeneeakono Lusu. Kanatuumo neeno kota atuu ranta kanandio.

Puu Mpobitara 1:26 ပူးပေါင်းရင်းမြစ်များ

2 Mokole 7:6

Doweweu iramo i Ue sorodadudo to Arami atuu ka domporonge unino kareta, ngara ka bawaa sorodadu anu hadio, ranta ka dompepau pada ondaedo, ”Kitao, mokoledo to Isaraeli itambo iramo mokoledo to Heti ka luwuno mokoledo to Misiraimi umewai kita, ka domensapoi kita.”

2 Tawarika 1:17

Asa kareta anu winawa inso i Misiraimi, olino nomo etu sikala salaka ka asa ngara asa etu ka lima pulu sikala. Kanatuu koa mbo'u molalo luwuno puu mpebalu-baludo mokole, luwuno atuu inasa a luwuno mokoledo to Heti ka luwuno mokoledo to Arami.

Puu Mpobitara 1:25

Itisoako iramo ba kana'umpe ka dompokompewinsokio kota atuu. Domenangiako ira ponai, sine mia atuu saru luwudo pe'etuno dompo'inee ira melako.

Puu Mpobitara 1:27

Tongku Manase nahi dosaari ira palili Beti-Seani ka luwuno inia, palili Ta'anaka saru luwuno inia, palili Doro saru luwuno inia, palili Yibeleami saru luwuno inia, palili Megido saru luwuno inia, nde mia Kana'a atuu mpekorahako ira mekongko mpo'ia mpiha i wita atuu.