Puu Mpobitara 1:10 - Wunta Mempori

¹⁰ Ka i'amba tongku Yehuda melako sumapoi ira to Kana'a anu mpo'ia i Hebero, neeno Hebero se'eluno onaemo Kiriati-Araba. Donangi ira to Sesai, to Ahimani ka to Talamai.

Puu Mpobitara 1:10 ပူးပေါင်းရင်းမြစ်များ

Tegagia 23:2

Ka i'amba i Sara mate i Kiriati-Araba, onaemo Heberoni, i wita Kana'a, ka i'amba i Burahima aiwa sumabangio ka mengeseio i Sara.

Tegagia 37:14

Motae i Isaraeli ndi onae, ”Lakomo pengkita kana'umpe teweweudo pepaekompomu ka teweweudo bawaano bembe bimba. Ka u'amba wawao lele ndi ongkue.” I Yako tumenao ka ilako inso i lembono Heberoni, ka haweomo i Yusupu i Sikemi.

Puu Pontutulu 9:11

Ka mbo'u kukitao i totono mata'oleo nine ponangia a mpetandia komba tiano anu magasi, ka peteaa komba tiano anu moroso, ka roti mbo'u komba tiano anu monto'ori, pompoli komba tiano anu pande mompewowolo, ka pompelangkai komba tiano anu pande mo'ungke akala, hangano tempo ka teweweuno dompembasaio luwu.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Podoaa 13:22

Mpelempa ira melaloo wita Nege ka mehawe i Heberoni. I ra'ai rau i Ahimani, i Sesai ka i Talumai, inuledo to Enaki. Heberoni winangu tese'elu opitu nta'u sekono Soani i Masiri.

Podoaa 13:33

Kimengkitao mbo'u i ra'ai mia melolangkai, inuleno i Enaki te'inso a mia melolangkai. Kimengkitao koroi mami kana kosume, kanatuu koa mbo'u domengkita kami.”

Yosua 10:36

Ka i'amba i Yosua ka luwudo to Isaraeli melako inso i Egelo lumako i Hebero, me'iwaliako ira.

Yosua 14:15

Se'eluno neeno Heberoni, Kiriati-Araba; Araba pengkonaano mia anu tedoa langkai i olodo to Ena. Ka merodo iramo, nami dompe'iwali.

Puu Mpobitara 1:20

Ndi Kalebi wineakoomo i Hebero, kana anu pinauno i Musa ndi'ipua, ka te'inso i ra'ai isaari ira anano i Ena otolu ira.

Puu Mpobitara 1:9

Ka do'amba inuleno i Yehuda lumako sumapoi ira to Kana'a anu mpo'ia a mentorukuno, i Wita Nege ka i Wita Sepela.