Powadi 8:13 - Wunta Mempori

¹³ Doitoako Ira i Ue onaemo umo'aliaakono wineweu mosa'o; ku'o'aliaakono pompelangka-langkai, pompe'anu-anu, pelelu anu mosa'o, ka nganga buke pe'akala.

Powadi 8:13 ပူးပေါင်းရင်းမြစ်များ

Ayubi 1:1

Hinao asa tama i wita Usi meneeako i Ayubi. Mia atuu moroso pompe'ala-alano ka moleo aroano, doitoako Ira Ue Ala ka olaiakono wineweu mosa'o.

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Po'unde-unde 101:3

Mataku nahi behe mongkita pompokonsiia; poweweu anu pansia ku'o'aliaakono, komba ku'ineheakono.

Po'unde-unde 119:104

Inso a luwuno parenta-Miu kupohawe ponto'ori, onaemo pu'uno ku'o'aliaakono luwuno pesalaa anu nahi mentee.

Po'unde-unde 119:128

Onaemo pu'uno ka kutuwu moleo tumondao luwuno parenta-Miu; pesalaa nahi mentee ku'o'aliaakono.

Po'unde-unde 138:6

Ondae i Ue atuu mantande, sine Dopensiroio mia anu pinokongkodei, mia anu mompelangka-langkai Doto'orio inso olai.

Po'unde-unde 97:10

Hei mia anu mehohawa Ira i Ue, o'aliaakonomo anu mosa'o! Ondae, anu mekariao penaano mia anu pinehohawa-Do, ta motola ira inso a ngkaeno mia mosa'o gauno.

Peluarakoa 1:17

Sine sando mpe'ana atuu doito ira ndi Ondae Ue Ala ka nahi doweweuo kana anu ipauako ira mokoledo to Masiri ndi ondae, onaemo ka dopo'inee ira nana'ote atuudo mentuwu.

Powadi 10:31

Ngangano mia mentee moluarako ponto'ori anu mentee, sine elo mesampa ta sinesei.

Powadi 15:9

Pesalaano mia mosa'o gauno mokoburu-Do i Ue, sine isema mo'ungke menteea, Dopehohawao.

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Powadi 16:5

Sompo mia anu mompelangka-langkai mokoburu-Do i Ue; onae manasa nahi ta tola inso a mpohuku.

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 3:7

Si potae koroimu pande mosongka, doitoako Iramo i Ue ka olaiakono mosa'oa;

Powadi 4:24

Tadiomo nganga pompopo'oo inso ndi omue ka poko'olaiomo wiwi pegaupi inso ndi omue.

Powadi 6:12

Nahi mentudu ka mosa'oomo mia anu tuwu saru nganga mpegaupi,

Yesaya 13:11

A wawontolino Aku sumuloakono wineweuno anu mosa'o, ka a mia mosa'o gauno Aku sumuloakono salado; pompelangka-langkaino mia anu mompelangka-langkai Aku mokompenaa-naao, ka pompelangka-langkaino mia lambaha Aku puduo.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Amosi 6:8

Ondae Ue Ala mesumpa Iramo a ngkoroi-Do, kanandiomo pau-Do i Ue, Ue Alano luwuakoano, ”Kumokokowuereakono pompelangka-langkaino i Yako, ka o'aliaako ira benteno; Aku meweengakono kota saru ihino.”

Sakaria 8:17

Si mposongka mosa'oa i laro aroamiu a mpe'asa miamiu kasi moruana mpesumpa nahi mentee. Hangano luwuno atuu Ku'o'aliaakono, kanandiomo pau-Do i Ue.”

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

1 TESALONIKA 5:22

Impoko'olaiomo koroimiu inso a mperupa-rupa anu mosa'o.

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

1 Samueli 2:3

Siimo mbo'u imengkolaba-laba mpau, pau anu nahina pengkonaano, siimo ipeluarako inso ia wiwimu, nde Ondae i Ue atuu Ue Ala anu tumo'orio luwuakoano, ka luwuno wineweudo mia Ondae putusio.