Powadi 6:17 - Wunta Mempori

¹⁷ mata mompelangka-langkai, elo megaupi, kae anu mo'uwu reano mia anu nahina salano,

Powadi 6:17 ပူးပေါင်းရင်းမြစ်များ

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

2 Mokole 24:4

hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

Po'unde-unde 10:4

Mepau mia mosa'o gauno atuu saru engeno kontahane, ”Ondae Ue Ala nahi Ira motuntu! Nahina Ue Ala!”, onaemo atuu luwuno pinewowolono.

Po'unde-unde 101:5

Mia anu mewuni-wuni mompepaukiako walino, aku mepateo. Mia anu mompelangka-langkai ka labampau, komba ineheku.

Po'unde-unde 131:1

Penani pekohono i Daudi. Ue, nahi kupompelangka-langkai, ka nahi kupompe'uru-uru; nahi ku'ungke ira hapa anu langkai lahi ke hapa anu nahi kupolio.

Po'unde-unde 18:27

a mia anu moleo aroano Omiu moleo aroa, sine a mia anu hadio pe'akalano Omiu lalu paande.

Po'unde-unde 31:18

Ue, si po'inee aku pinokoko'ii, hangano mebooli aku ndi Omiu; po'inee iramo mia mosa'o gaudo mempinokoko'ii ka mpetii a ntolinodo mia mate ka mengkomino.

Po'unde-unde 5:6

Anu laba mpau nahi tangka i aro-Miu; I'o'aliaakono luwuno mia anu moweweu mosa'o.

Po'unde-unde 5:7

Ipepate ira luwu mia anu mpegaupi Ondae i Ue mokoburu-Do mongkita anu mo'uwu rea ka anu mompopo'oo.

Powadi 1:11

tewala mpotae ira, ”Aiwa tonda kami, aiwa tompotowoki rea, aiwa topomporaakono mia nahina salano po'ehetomo koa;

Powadi 1:16

hangano karudo mpelulu te'aro a mosa'oa ka mpopari-pari ira mpo'uwu rea.

Powadi 12:22

Mia anu megaupi wiwino mokoburu-Do i Ue, sine mia anu peleluno metenunu Dopehohawao.

Powadi 14:5

Sakosii anu metenunu nahi pegaupi, sine isema mompuuri pegaupi, onaemo sakosii megaupi.

Powadi 16:5

Sompo mia anu mompelangka-langkai mokoburu-Do i Ue; onae manasa nahi ta tola inso a mpohuku.

Powadi 17:7

Nahi pototono mia monge-monge mompau luwuno pau anu moiko, tamoako mia pinelangkai mompau luwuno pau pegaupi.

Powadi 21:4

Mata mompelangka-langkai ka aroa konangi-nangi, anu gagi huluno mia mosa'o gauno, onaemo hala.

Powadi 26:28

Elo pegaupi umo'aliaakono ginaupino, ka nganga marampau mowawa masolaa.

Powadi 28:17

Mia anu montanggumi reano mia susua ta molai hawe a laro ngkaburu. Si ontoo!

Powadi 30:13

Hinao inule anu mompau pohaweno mompelangka-langkai, anu tetande kuli matano.

Powadi 6:16

Onoo rupa wineweu andio anu o'alia-Do i Ue, tendeano opitu rupa wineweu anu mokoburu-Do:

Yesaya 1:15

Tempono imentineo kaemiu, Aku wolilio rupa-Ku tendeano maupo temararu impekakai, nahi Aku merorongeakono, hangano kaemiu bukeako rea.

Yesaya 2:11

Mia anu mengkita saru mompelangka-langkai ta pine'uru-uru, mia anu mompelangka-langkai ta pinokompetuundu; butu koa Ondae i Ue anu tedoa mantande a oleo atuu.

Yesaya 3:16

Ondae i Ue mepau: Beine Sioni gagi iramo mpompelangka-langkai ka mpelempa saru we'u anu pinokomoleo saru mpemae mata, ondae mpelempa mpepe'unde ka uni kekele a ngkarudo.

Yesaya 3:9

Wineweu mpobibiniki tumuntu ira ondaedo ka kana Sodomo, domempopauo halado, nahina mbo'u anu winuni. Memasola iramo ntu'u mia atuudo! Hangano mpoweweu iramo masolaano koroido ondaedo.

Yeremia 26:15

Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

Winali 19:10

Tinoono, kasi te'uwu reano mia anu nahina salano i wita anu Doweeakomiu i Ue, Ue Alamiu, gagi tia pusaka ka pasua rea metako ndi omiu.

Winali 27:25

’Tetotonaaomo mia anu montarima pompowee nahi moleo ta mompepate mia anu nahina salano.’ Luwuno tongku atuu asalakono mpotae, ’Ami!’

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.