Powadi 6:16 - Wunta Mempori

¹⁶ Onoo rupa wineweu andio anu o'alia-Do i Ue, tendeano opitu rupa wineweu anu mokoburu-Do:

Powadi 6:16 ပူးပေါင်းရင်းမြစ်များ

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

Ayubi 5:19

Inso a onoo rupa ma'isoa omue Dopotolako; ka i larono opitu rupa omue nahi konako urasa'o.

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 5:7

Ipepate ira luwu mia anu mpegaupi Ondae i Ue mokoburu-Do mongkita anu mo'uwu rea ka anu mompopo'oo.

Powadi 11:1

Pontimba anu ahi mentee mokoburu-Do i Ue, sine Dopemoikoo watu pontimba anu koona ntu'u.

Powadi 11:20

Mia anu molengku aroano mokoburu-Do i Ue, sine mia anu nahina tataano, pesalaano Dopemoikoo.

Powadi 12:22

Mia anu megaupi wiwino mokoburu-Do i Ue, sine mia anu peleluno metenunu Dopehohawao.

Powadi 17:15

Mokomenteeo mia mosa'o gauno ka mokonsalao mia mentee, oruano Domokoburuakono i Ue.

Powadi 20:10

Orua rupa watu pontimba, orua rupa ponsa'u, oruano Domokoburuakono i Ue.

Powadi 20:23

Orua rupa watu pontimba Domokoburuakono i Ue, ka ponsa'u anu molengku atuu nahi moiko.

Powadi 21:4

Mata mompelangka-langkai ka aroa konangi-nangi, anu gagi huluno mia mosa'o gauno, onaemo hala.

Powadi 3:32

hangano mia anu tesaa onaemo anu mokoburu-Do i Ue, sine Ondae mewali-waliakono mia anu moleo.

Powadi 30:18

Hinao otolu rupa anu mokongkohali-hali aku, tendeano, hinao opaa rupa anu nahi kupokonto'orio:

Powadi 30:21

Hangano otolu rupa tolino mondidi-ndidi, tendeano, hangano opaa rupa nahi pokompeteao:

Powadi 30:24

Hinao opaa kondehora kodei i tolino, sine tedoa magasi peleluno:

Powadi 30:29

Hinao otolu kondehora anu moroso pelempano, tendeano, opaa rupa anu moroso pelempano:

Powadi 6:15

Onaemo pu'uno ka i'aluo masolaa mepobingko, nahi kinoo-koo onae sinolangi nahi pinokotulungi mbo'u.

Powadi 6:17

mata mompelangka-langkai, elo megaupi, kae anu mo'uwu reano mia anu nahina salano,

Powadi 8:13

Doitoako Ira i Ue onaemo umo'aliaakono wineweu mosa'o; ku'o'aliaakono pompelangka-langkai, pompe'anu-anu, pelelu anu mosa'o, ka nganga buke pe'akala.

Yeremia 26:15

Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”

Amosi 1:11

Kanandiomo pau-Do i Ue, ”Hangano otolu wineweuno Edomi anu mosa'o, ke opaa, nahi Aku balio mbo'u pomputusi-Ku. Hangano onae moluluako ponai pepaekompono ka mepateo aroa pompehohawano, bamburuno moberi mpiha, ka tekudado kongko mpiha,

Amosi 1:3

Kanandio pau-Do i Ue, ”Hangano otolu wineweuno mosa'o Damasi, tendeano opaa, nahi Aku balio mbo'u pomputusi-Ku: Hangano Gileadi domensesaakonomo ponsesaa inso a labu,

Amosi 1:6

Kanandiomo pau-Do i Ue, ”Hangano otolu wineweuno Gasa anu mosa'o, ke opaa, nahi Aku balio mbo'u pomputusi-Ku: Hangano domewawa iramo a mpontadia luwuno mia tinadi, ka dompineweengako ndi Edomi,

Amosi 1:9

Kanandiomo pau-Do i Ue, ”Hangano otolu wineweuno Tirusi anu mosa'o, ke opaa, nahi Aku balio mbo'u pomputusi-Ku: hangano dompeweengako iramo luwu mia tinadi ndi Edomi ka nahi pinewowolo pedandi pepaekompoa,

Amosi 2:1

Kanandiomo pau-Do i Ue, ”Hangano otolu wineweuno Moabi anu mosa'o, ke opaa, nahi Aku balio mbo'u pomputusi-Ku. Hangano itunuomo luwuno wukudo mokole i Edomi gagi kapuru.

Amosi 2:4

Kanandiomo pau-Do i Ue, ”Hangano otolu wineweuno Yehuda anu mosa'o, ke opaa, nahi Aku balio pomputusi-Ku. Hangano nahi domentarimao songka-Do i Ue, ka nahi dompe'ini a luwuno pompakosi-Do. Dompokopansia ira lahumoa mpegaupi anu tinondado uempu'udo.

Amosi 2:6

Kanandiomo pau-Do i Ue, ”Hangano otolu wineweuno Isaraeli anu mosa'o, ke opaa, nahi Aku balio mbo'u pomputusi-Ku. Ondae me'asa ira mia mentee hangano doi ka mia mongkokolaro hangano asa pasa sandala.

Sakaria 8:17

Si mposongka mosa'oa i laro aroamiu a mpe'asa miamiu kasi moruana mpesumpa nahi mentee. Hangano luwuno atuu Ku'o'aliaakono, kanandiomo pau-Do i Ue.”

Winali 23:18

Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

Winali 24:4

tamano anu amba-ambano, anu umari tumenao lumako atuu, nahi bisa i'alao mbo'u gagi kombiano, umarino sumosa'aio beine atuu. Hangano anu kanatuu mokoburu i aro-Do i Ue. Sipoweweuakono hala a wita anu Doweeakomu i Ue, Ue Alamu, gagi tia pusakamu.

Winali 25:16

Hangano sompo mia anu moweweu kanatuu, anu moweweu molengku, mokoburu-Do i Ue, Ue Alamu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.