Powadi 5:21 - Wunta Mempori

²¹ Hangano luwuno pesalaano mia te'ungkahi i arono pongkita-Do i Ue, ka luwuno pelempano mia Dodagaio.

Powadi 5:21 ပူးပေါင်းရင်းမြစ်များ

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

Ayubi 14:16

Maupo mentee Idoao pelempaku, nahi Komiu mototoio halaku;

Ayubi 24:23

Ondae Ue Ala moweeakono rodoa anu gagi pomperorohiano, ka dumagaio luwuno pesalaano.

Ayubi 31:4

Kombake Ondae Ue Ala anu kumitao pesalaaku ka dumoao luwuno pelempaku?

Ayubi 34:21

Hangano mata-Do dumagaio sala ntumuwuno mia, ka Dokitao luwuno pelempano;

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 119:168

Me'ini aku a luwuno parenta-Miu ka luwuno pepopoto'ori-Miu, hangano luwuno tumuwuku nahina tewuni i aro-Miu.

Po'unde-unde 17:3

Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,

Powadi 15:3

Mata-Do i Ue kongko a luwuno po'ianga, kumitao mia moweweu mosa'o ka mia moweweu moiko.

Powadi 4:26

Pokomereteomo pesalaano karumu ka asalakono tekosi luwuno pesalaamu.

Powadi 5:6

Onae nahi pontonda sala ntuwua, pesalaano tesaa, komba ito'orio.

Yeremia 16:17

Hangano mata-Ku te'aro a luwuno peleludo. Luwuno atuu nahi tewuni inso a pongkita-Ku, ka sala mpoweweudo mbo'u nahi tererei inso a pongkita-Ku.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 23:24

Ande-andeno asa mia mewuni a mpo'ianga tewuni, nde nahi Aku kumitaoke? kanandiomo pau-Do i Ue. Kombake Kubuketio langi ka tolino? kanandiomo pau-Do i Ue.

Yeremia 29:23

hangano mpoweweu iramo benge-bengea i Isaraeli, mpososabo iramo saru kombiano pe'asa miado ka mpompau iramo pau mpegaupi anu nahi Kuparentaako ira. Ongkue isa'a anu tumo'orio ka sumakosiio, kanandiomo pau-Do i Ue.”

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Hosea 7:2

Nahi dompokompewowoloo i laro aroado, nine Kupewowoloo luwuno wineweudo anu mosa'o. Maupo kanandio-andio luwuno wineweudo kumadu ira, luwuno kongko i aro-Ku.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

MENGKAAA 2:18

”Ka buriakonomo mala'ekado bawaa i Tiatira: Ndiomo pau-Do Ana-Do Ue Ala, anu mata-Do kana langano api ka karu-Do kana mala:

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.