Powadi 31:9 - Wunta Mempori

⁹ Ungkahiomo ngangamu, alaomo pomputusi anu moleo ka alaakonomo tiano mia anu tepokonsii ka anu mongkokolaro.

Powadi 31:9 ပူးပေါင်းရင်းမြစ်များ

2 Samueli 8:15

Kanandiomo i Daudi moparenta a luwudo to Isaraeli. I Daudi tumeahakono moleoa ka menteea a luwuno tongkuno.

Ayubi 29:12

Hangano ongkue mongkadudui mia marasai anu mebooli mepetulungi, ka nana'ote nahina amano anu nahina tumulungio.

Po'unde-unde 82:3

Temoleomo a mia mongkokolaro ka a nana'ote nahina amano, pe'alakonomo tiado mia marasai ka makura!

Powadi 16:12

Moweweu gau mosa'o mokoburuno mokole, hangano kadera poparentaa gagi moroso hangano menteea.

Powadi 20:8

Mokole anu mentoro a wawo ngkadera pobitaraa mokonto'oriakono matano luwuno anu mosa'o.

Powadi 29:7

Mia mentee tumo'orio tiano mia molema, sine mia mosa'o gauno nahi pokonto'orio.

Yesaya 1:17

impepagurumo mpoweweu moiko; teahakonomo moleoa, pabawai iramo mia lambaha; weeako iramo tiado nana'ote nahina amado, teahakonomo kara-karado tuwu beine!

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Yeremia 22:3

Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yeremia 23:5

Menteeano, ta hawe tempono, kanandiomo pau-Do i Ue, nine Aku motuwuo Tumba Moleo tiano i Daudi. Onae ta moparenta gagi mokole pande mosongka ka ta weweuo moleoa ka menteea i wita atuu.

Yeremia 5:28

gagi mewalo ka tekosi. Susuaano atuu dompo'ineeo poweweu anu mosa'o, nahi domperioo songka, nahi dompokonangio kara-karano nana'ote nahina amano, ka tiano mia mongkokolaro nahi dokorahakono.

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Sakaria 7:9

”Kanandiomo pau-Do Ueno luwuakoano: Polempaomo songka anu mentee ka popokitaomo petenunu ka pompehohawa a mpe'asa miamu!

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I YOHANE 7:24

Si mpobitara montonda hapa anu tengkita, sine impobitaramo a moleoa.”

Winali 1:16

I tempo atuu kuparenta ira luwuno puu mpobitaramiu, kanandio, ”Imperioomo kara-kara i olodo pepaekompomiu ka impoweeako ira pomputusi anu moleo, moiko i larono kara-karano asa mia saru pepaekompono maupo saru mia hawe anu kongko ndi onae.

IBARANI 1:9

Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

1 Samueli 19:4

I Yonata mompauakono amano anu pinemoikono mongkona i Daudi, ipotae, ”Si mansa omiu mokole moweweu anu nahi mentee ndi Daudi, miamiu, hangano nahina wineweuno anu nahi mentee ndi omiu, ka luwuno wineweuno ndi omiu tedoa moiko.

1 Samueli 20:32

Sine sumangki i Yonata ipotaeakono amano, ”Tembio ka ta pinepate? Hapamo anu wineweuno?”