Powadi 30:9 - Wunta Mempori

⁹ Ka si kuhapu Komiu, tewala mowohi aku, ka mepau: Isemake Ondae i Ue atuu? ke tewala mongkokolaro aku, aku monako, ka sumosa'aio nee-Do Ue Alaku.

Powadi 30:9 ပူးပေါင်းရင်းမြစ်များ

Po'unde-unde 125:3

Oo, tuko pabawano mia mosa'o gauno nahi ta mo'ia mpiha a wawo wita anu tiniaako undi a mia mentee, ka si weroo mia mentee kaeno moweweu mosa'o.

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Peluarakoa 5:2

Sine ipotae i Pirao, ”isemake i Ue atuu anu asalakono aku merorongeakono pau-Do ka kupo'inee ira to Isaraeli melako? Nahi kuto'ori Ira i Ue atuu ka nahi aku umeheako ira to Isaraeli melako.”

Powadi 29:24

Isema montarima tia inso a mia monako, umo'aliaakono koroino; irongeomo pontotonaa ka ipesakosii, sine nahi pompau.

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 5:12

Domehapu Ira i Ue ka mpotae, ”Nahi Dopoweweu hapa-hapa! Nahi ta umalu kita masolaa, peteaa ka mokoninggoa nahi kita mpembasaio.

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:30

mepauomo mokole, ”Kombake Babeli andio anu langkai, anu saru rosono pabawaku ka tiano marambano potoroku kuwanguomo gagi kota poparentaa?”

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Imama 5:1

Tewala asa mia moweweu hala hangano moronge pau pontotonaa, ka onaemo sakosiino hangano ikitao ke tumo'orio, sine nahi behe pauo, asalakono itembio salano atuu.

I MATIU 26:72

Ka ihapuo mbo'u saru mesumpa, ”Nahi kuto'orio mia atuu.”

I MATIU 26:74

Ka mompu'uomo i Peturu montotonaa ka ipesumpa, ”Nahi kuto'orio mia atuu.” Ka i tempo atuu kumokoroidoomo manu.

Winali 31:20

Hangano Aku wawa ira i wita anu hadio ntu'u susu ka siu hoanino, wita anu Kudandio sura sumpa ndi ondae uempu'udo. Ira mpongkaa ka mowohi saru gagi mewalo, sine ira mpepokule a mpinesombai susua ka mpesomba ndi onae. Ira mpepaukia-Kune ka mehapuo pedandia-Ku.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Yosua 24:27

Motae i Yosua ia luwuno tongku atuu, ”Menteeano ntu'u watu andio ta gagi sakosii ndi ontae, nde watu andio rumongeo luwu pau-Do i Ue anu pinau-Do ndi ontae. Gagi watu andio gagi sakosii ndi omiu, kasi mpehapu ia Ue Alamiu.”