Powadi 30:5 - Wunta Mempori

⁵ Luwuno pau-Do Ue Ala atuu mentee luwu. Onae kantano mia anu mepekadudui ndi Ondae.

Powadi 30:5 ပူးပေါင်းရင်းမြစ်များ

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

2 Samueli 22:31

Ondae Ue Ala pelempa-Do tedoa moleo. Pau-Do i Ue atuu mempori. Ondae gagi kantado luwuno mia anu mpepekadudui ndi Ondae.

Po'unde-unde 119:140

Dandi-Miu tedoa moroso, ka tetenaa-Miu kumekewoio.

Po'unde-unde 12:6

Hangano pompokonsiia a mia molema, hangano pompemasusano mia mongkokolaro, kanandio-andio Akumo mentade, pau-Do i Ue; Aku moweeakono pongkadudui a mia anu kumekewoio.

Po'unde-unde 144:2

Ondaemo pe'asaku anu metenunu ka bente pekorahakoaku, kota benteku ka anu kumadudui aku, kantaku ka po'ianga pepetulungiaku, anu mokompetuundu ira luwuno tongku i totono pabawaku!

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 18:30

Meronga Omiu mosia aku sumapoio sorodaduno iwali, meronga Ondae Ue Alaku mosia aku melonsokio rere watu.

Po'unde-unde 18:31

Pesalaa-Do Ue Ala atuu nahina makurano; dandi-Do i Ue atuu inarahakoomo; Ondaemo kantano luwuno mia anu mpepekadudui ndi Ondae.

Po'unde-unde 19:8

Taura-Do i Ue atuu soompo ntu'u, mompokoroso sumanga; atora-Do i Ue atuu moroso, mompowee ponto'ori anu mentee a mia anu napi hina pinembasaino.

Po'unde-unde 3:3

hadio mia mepau mongkona ongkue. ”Montonda onae nahina pontulingi inso ndi Ondae Ue Ala.” Sela

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Po'unde-unde 91:2

Onae ta mepau ndi Ondae i Ue: Pepekaduduiaku ka bente pekorahakoaku, Ue Alaku, anu pine'ala-alaku.

Powadi 2:7

Ondae mompatinda pontimbanga tiano mia anu moleo, gagi kantano mia anu tuwuno nahina tataano,

Powadi 29:25

Doito a mia mowawa oho, sine isema me'ala-ala Ira i Ue, kinadudui.

ROMA 7:12

Gaagi songka Taura lano mempori, ka parenta mbo'u atuu mempori, mentee ka moiko.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.