Powadi 30:4 - Wunta Mempori

⁴ Isemake anu mewuatako i suruga ka i'amba metii? Isemake anu pumpuomo angi a laro kungkuno? Isemake anu montongoomo uwoi a nsawu? Isemake anu pakosiomo luwuno tompano tolino? Isema neeno ka isema neeno anano? Omiu manasa tumo'orio!

Powadi 30:4 ပူးပေါင်းရင်းမြစ်များ

Tegagia 32:29

Mesikenoomo i Yako, ”Pauakune ngkuda neemiu.” Sine isangkio, ”Tembio ka upesikenoakono neeku?” Ka i'amba rumonsoo i Yako i tu'ai.

Ayubi 11:7

Upokonto'ori Ira koake Ondae Ue Ala a menteeano ntu'u, me'ihilaroo langkaino pabawa-Do?

Ayubi 11:8

Mantandeno lumaloio langi; hapa anu komokoweweuo? Ondalono lumaloio tolinodo mia mate; hapa anu pinokonto'orimu?

Ayubi 26:8

Uwoi Dotongoo a laro nseru-Do, sine seru atuu nahi teberi itotono mobeano.

Po'unde-unde 135:7

Dowuatakono gawu inso i tompano tolino, mepansariako koliki tumondao usa, Dowawao angi meluarako inso a mponaapa-Do.

Po'unde-unde 2:7

Akumo paleleo pompakosi-Do i Ue; Dopotae ndi ongkue, ”Omuemo ana-Ku! A oleo andio omue Kupokomengkaako gagi ana.

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 24:2

Hangano Ondaemo anu numaao a wawo ntahi malua ka anu montadeo a wawo luwuno korono.

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Peluarakoa 15:10

Omiu mepuuriakono lompiu-Miu, tahi kuma'uwi ira; kana tima domentondu a laro uwoi anu mongkokongiri.

Peluarakoa 6:3

Komba butu Kupedandiako iramo Aku weeako ira wita Kana'a, po'iangaado kana mia mehawe,

Yesaya 45:18

Kanandiomo pau-Do i Ue, anu mokogagio langi; Ondaemo Ue Ala anu weweuo tolino, anu mokogagio ka kumorahakono; anu mokogagio komba ka imooa, tendeano weweuo ka ipino'iangari, ”Ongkuemo Ue ka nahina anu susua.

Yesaya 53:8

Umarino rinako ka hinuku onae winawa lumako, isema anu merioo hapa anu gagi ndi onae? Mentee ntu'u, onae te'otuhi inso a witado mia mentuwu, ka hangano pe'ewado bawaa-Ku onae kona pohuku.

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 3:13

Nahina maupo te'asa mia anu mewuatakoomo i suruga, sangkadio Ondae anu metii Iramo inso i suruga, onaemo i Ana Manusia.

ROMA 10:6

Sine menteea hangano pompe'ala-ala motae kanandio, ”Si potae i laro aroamu: Isemake ta mewuatako i suruga?” onaemo: ka iwawa Ira i Yesu metii,

Winali 28:58

Tewala nahi mpetenunu meweweuo luwuno pauno songka Taura anu binuri a laro wunta andio, ka nahi medoitoakono Nee anu maramba ka mongkokongiri andio, ndi Ondae i Ue, Ue Alamiu,

Winali 30:12

Komba i langi po'iangano, ka impotae, ”Isemake anu ta mewuatako i langi lumako umalaakita, ka moporongea kita ka tomeweweuo?”

MENGKAAA 19:12

Ka mata-Do kana langano api ka a wawo ulu-Do hadio ramba-ramba ulu ka ndi Ondae hinao teburi aasa nee anu nahina tumo'orio maupo te'asa mia, sangkadio Ondae isa'a.

Puu Mpobitara 13:18

Sine sumangki Mala'eka-Do i Ue atuu ndi onae, ”Tembio kau pesikenoakono nee-Ku? Nee atuu tedoa kinohali-haliako.”