Powadi 3:6 - Wunta Mempori

⁶ Pe'ala-ala Iramo a laro ntumuwumu, ka Ira mokomoleoo pesalaamu.

Powadi 3:6 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Esera 7:27

Inunde-unde Iramo i Ue, Ue Alado uempu'uto anu lumeluomo aroado mokole kai gagi kanandio, ranta kai tekosi doweweuo raha-Do i Ue i Yerusale,

Nehemia 1:11

Oo Ue, po'ineeomo biri-Miu rumongeo pekakaino tetenaa-Miu andio ka a pekakaido luwuno tetenaa-Miu anu inso i aroano dumoitoakono nee-Miu, ka po'ineeomo ka ime'ura tetenaa-Miu oleo andio ka mohawe pompehohawa inso a mia andio.” Tempo atuu ongkue andio puu mpo'atora inuado mokole.

Nehemia 2:4

Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi,

Nehemia 7:5

Ondae Ue Ala lumeluo aroaku pumpu ira mia pinemota'u, anu mempabawa ka palili, ka domebinuri a mpotudano tumuwu. Ka ku'amba humaweo wunta buriano potudano tumuwudo mia anu ntese'elu mpelungka mpekule. A wunta buriano atuu kuhaweo teburi:

Po'unde-unde 32:8

Aku paguruko ka tumisoakomu pesalaa anu asalakono ka utondao; Aku moweeakomu patudu, mata-Ku te'aro ndi omue.

Powadi 11:5

Pesalaano mia anu nahina tataano ipokomereteo menteeno, sine mia mosa'o gauno tedonta hangano gauno mosa'o.

Powadi 16:3

Peweengakonomo wineweumu ndi Ondae i Ue, asalakono gagi luwu sinongkamu.

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Powadi 23:17

Si mosisiri aroamu a mia anu ntehala, sine doitoako Iramo mpiha i Ue.

Yesaya 26:7

Pesalaado mia mentee onaemo moleo, hangano Omiu anu pu'uakono sala moleo.

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 45:13

Ongkuemo anu lumeluo i Koresi me'empehiako moleoa, ka luwuno salano Aku mokomereteo. Onaemo anu ta wanguo kota-Ku ka motola ira bawaa-Ku anu mekongko a laro pontadia, nahi inowahi ka nahina pompowee anu nahi pototono,” pau-Do Ueno luwuakoano.

Yesaya 48:17

Kanandiomo pau-Do i Ue, Pontolosimu, Anu Tedoa Mempori, Ue Alado to Isaraeli, ”Ongkuemo Ue, Ue Alamu, anu paguruakomu hapa anu mentudu, anu tumaateko a nsala anu asalakono kotumondao.

Yeremia 10:23

Kuto'orio, oo Ue, nine mia nahina pabawano tumantuio sala ntumuwuno, ka mia anu melempa nahina pabawano ka ipatotoo pelempano.

Yeremia 42:3

Po'ineeomo Ondae i Ue, Ue Alamu, pauakami pesalaa anu asalakono kami mentondao ka hapa anu asalakono kami meweweuo.”

Podoaa 9:20

Eheano butu ba'opia oleo seru atuu i wawono Kema Mempori; a mpetena-Do i Ue dompekema ka a mpetena-Do koa mbo'u i Ue dompelungka.

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

2 KORINTI 8:16

Pontarimakasi ndi Ondae Ue Ala, anu hangano omiu pinoweeako mbo'u mokua anu kanandio i laro aroano i Titu tumulungi komiu.

PILIPI 4:6

Si mporerengkoo mongkona hapamo koa, sine impokomengkaaomo a luwuakoano po'ehemiu ndi Ondae Ue Ala a laro mpekakai ka po'ema saru pontarimakasi.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

KOLOSE 3:23

Hapamo koa anu wineweumiu, imeweweuomo tompaano aroamiu kana tia-Do i Ue ka komba tiano mia.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

1 Samueli 30:8

Ka i'amba i Daudi mo'ema pontiso ndi Ondae i Ue, ipotae, ”Asalakono aku lumulu ira ke mia memosa'o atuu? Nde da aku koa humawe ira ke?” Mepau Ira i Ue ndi onae, ”Lulu iramo, hangano menteeano kohumawe ira ka motola ira luwuno tinawa.”