Powadi 3:5 - Wunta Mempori

⁵ Pe'ala-ala Iramo i Ue tompaano aroamu, ka si pehonda a ponto'orimu omuemu.

Powadi 3:5 ပူးပေါင်းရင်းမြစ်များ

Esera 8:23

Gagi mempuasa kamimo ka mpo'emao ndi Ondae i Ue, ka Do'ihiio po'ema mami.

Ayubi 13:15

Kitaomo, Ira mepate aku, nahina pomperorohiaku, sine aku kumorahakono peleluku i aro-Do.

Po'unde-unde 125:1

Penani mekoho. Mia anu mompe'ala-ala ndi Ondae i Ue onaemo kana Torukuno Sioni: nahi telelu ka nahi bali ranta nahina tampulaano.

Po'unde-unde 37:3

Pe'ala-ala Iramo i Ue ka weweuomo anu moiko, po'iamo i wita andio ka petenunumo.

Po'unde-unde 37:5

Peweengakonomo pesalaamu ndi Ondae i Ue ka pe'ala-ala Iramo, asalakono Ira mongkadudui;

Po'unde-unde 37:7

Pomperodomo ndi Ondae i Ue ka sikori Iramo; si bamburu a mia anu mehasili a laro ntumuwuno, a mia anu moweweu pompopo'oo.

Po'unde-unde 62:8

Ndi Ondae Ue Ala po'iangano tekaduduiaku ka marambaku; torukuno watu rosoku, pepekaduduiaku ndi Ondae Ue Ala.

Powadi 22:19

Ka unaao pompe'ala-alamu ndi Ondae i Ue, kupaguruakomu kanandio-andio, oo ndi omue.

Powadi 23:4

Si pe'isei ka ugagi kaea, bintaomo tinoomu andio.

Powadi 28:26

Isema me'ala-alao aroano onaeno onaemo mia monge-monge, sine isema tuwu saru pande mosongka ta tekadudui.

Powadi 3:7

Si potae koroimu pande mosongka, doitoako Iramo i Ue ka olaiakono mosa'oa;

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yeremia 10:23

Kuto'orio, oo Ue, nine mia nahina pabawano tumantuio sala ntumuwuno, ka mia anu melempa nahina pabawano ka ipatotoo pelempano.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Podoaa 9:20

Eheano butu ba'opia oleo seru atuu i wawono Kema Mempori; a mpetena-Do i Ue dompekema ka a mpetena-Do koa mbo'u i Ue dompelungka.

Podoaa 9:22

Tempono ipenaa-naa seru atuu i wawono Kema Mempori, moiko orua oleo, asa wula ke lalu tehine, to Isaraeli mpekema mpiha ka nahi dompelungka. Sine, mansano mewuatako seru atuu, ka do'amba mpelungka.

ROMA 12:16

Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande!

EPESU 1:12

ka omami, anu se'eluno mpomperorohi kamimo ndi Ondae i Kerisituu, moiko gagi unde-undeno maramba-Do.