Powadi 3:3 - Wunta Mempori

³ Pompehohawa ka petenunu si tebinta inso ndi omue! Pe'enu-enuakomo atuu a we'umu, buriomo i laro aroamu,

Powadi 3:3 ပူးပေါင်းရင်းမြစ်များ

2 Samueli 15:20

Da indiawi uhawe, kana'umpemo a oleo andio aku wawako melakopi meronga saru omami, kontongaano asalakono aku lumako nahi kuto'orio ba isua. Pekulemo ka wawa ira mbo'u luwuno pepaekompomu. Po'ineeomo Ondae i Ue mopokitao pompehohawa ka pokongkomi-Do ndi omue!”

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 25:10

Luwuno pesalaa-Do i Ue onaemo pompehohawa ka menteea a mia anu me'ini a mpedandia-Do ka luwuno pompopoto'ori-Do.

Po'unde-unde 85:10

Mentee ntu'u, pontulungi-Do umpeda a luwuno mia anu doitoako Ira, onaemo ka ipo'ia maramba-Do i witato.

Peluarakoa 13:9

Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Powadi 1:9

hangano kalono bunga anu tekosi atuu tiano ulumu, ka enu-enu tiano we'umu.

Powadi 14:22

Nahi tesaake mia anu mosongka wineweu mosa'o? Sine anu mosongka mongkona anu moiko mohawe pompehohawa ka petenunu.

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 20:28

Pompehohawa ka petenunu kumaduduio mokole, ka saru pompehohawa ipokorosoakono kadera poparentaano.

Powadi 6:21

Welamo tanggoo luwuno atuu i aroamu, pe'enu-enuomo a we'umu.

Powadi 7:3

Tanggoomo luwuno atuu a wunga ngkaemu, ka buriomo atuu i laro aroamu.

Yeremia 17:1

”Halano Yehuda teburiako pena labu memata inta, tenggori a laro aroano ka a ntandu-tanduno meda pontunuado pesomba

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Maleaki 2:6

Pompaguru anu mentee kongko a laro ngangano ka anu sala nahi hinawe a wiwino. A laro rodoa ka moleoa onae melempa meronga Ongkue ka hadio mia iweweuo mpepokule inso a wineweuno anu sala.

I MATIU 23:23

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano tia hopuluno solasi, adasi mo'ahi ka jinta ime'owahio, sine anu lalua a songka Taura nahi mentondao, onaemo: moleoa ka pompehohawa ka petenunu. Anu aasa asalakono ka iwineweu ka anu mehano si mpebungkuio.

2 KORINTI 3:3

Hangano mengkaaomo, nine omiu wunta-Do i Kerisituu, anu binuri a pompekakaakomami, komba binuriako tinta, sine saru Penaa inso ndi Ondae Ue Ala anu tuwu, komba a dopi watu, tendeano a dopi i laro aroano mia.

EPESU 5:9

Hangano mewine butu mewuaako moikoa ka moleoa ka menteea,

Winali 6:8

Asalakono impetanggoakono gagi petondoni a ngkaemiu ka mempokogagio petondoni i ra'imiu.

IBARANI 10:16

hangano mansa-Do mepau, ”Ndio pedandia anu Aku weweuo saru ondae umarino tempo atuu,” mepau Ira mbo'u, ”Aku numao songka-Ku i laro aroado ka burio a mpinewowolo molinodo,