Powadi 29:2 - Wunta Mempori

² Tewala mia mentee tetiangi hadio, mpo'unde iramo palili, sine tewala mia mosa'o gauno moparenta, pompau iramo pinemasusado palili.

Powadi 29:2 ပူးပေါင်းရင်းမြစ်များ

Esetere 3:15

Onaemo ka dompodadu mpelungka luwuno mia tinena anu magasi atuu, a petenado mokole, ka atora atuu linuarako i larono bente Susani. Kontongaano atuu ondae mokole saru i Hamani mentoro ira mo'inu, sine kota Susani ntewuka iramo.

Esetere 8:15

Ka i Modekai meluarako inso i arodo mokole mompokona sangka poparentaa inso a nsawu wungo ntu'u ka sawu lena saru mompokona ramba-ramba ulu inso a wulaa anu tekosi ntu'u saru lemba meloe inso a nsawu lena alusu ka sawu wungo-wungo. Onaemo ka dompeboo-booli ka mpo'unde i kota Susani.

Ayubi 34:30

kasi dompoweweu po'ehedo mia mosa'o gaudo ka igagi ohodo mia hadio.

Powadi 11:10

Tewala mia mentee moiko teweweuno, mo'undeomo kota, ka tewala mia mosa'o gauno mate, rurunduomo kokora-kora mawongko.

Powadi 28:12

Tewala mia mentee monangi, hadioomo po'unde-undedo mia, sine tewala mia mosa'o gauno mohawe pabawa, mia mpewuni.

Powadi 28:15

Kana singa anu mengaoli ke berua anu mesapoi, kanatuumo mia mosa'o gauno anu moparenta palili anu molema.

Powadi 28:28

Tewala mia mosa'o gauno mohawe pabawa, mia mpewuni, sine tewala ondae memate, tetiangiomo hadio mia mentee.

Puu Pontutulu 10:5

Hinao asa wineweu mosa'o anu kinitaku i totono mata'oleo gagi sala anu nahi pine'inungako anu mepu'u inso a asa mia pabawa:

Puu Pontutulu 10:6

Mia benge-benge ninaa a hadio potoro anu mantande, sekono mia mompoli mpetorokio po'ianga anu i totono.

Puu Pontutulu 4:1

Kukitao mbo'u luwuno pompokonsii anu wineweu i totono mata'oleo. Kitaomo, uwoi matado mia anu mempinokonsii ka nahina anu tumarero ira. Ndi ondae anu mpompokonsii hinao pabawa, sine nahina koa mbo'u anu tumarero ira.

I MATIU 2:16

Mansano tumo'orio i Herode, nine domempopo'oo to majusi atuudo, onae tedoa tekuda. Ka i'amba metena mepate ira luwu nana'ote i Beteleme ka petengi-tengino, onaemo nana'ote anu tinuwuno napi sompo orua nta'u, menunu saru tempo anu pinokonto'orino inso a to majusi atuudo.

I MATIU 2:3

Tempono irongeo mokole Herode mongkona atuu tededengkeomo onae saru luwuno mia i Yerusale.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”