Powadi 28:16 - Wunta Mempori

¹⁶ Asa petewawa nahina ponto'orino, lansara pompokonsiino; sine mia anu umo'aliaakono untu anu nahi moleo insoano, melai tinuwuno.

Powadi 28:16 ပူးပေါင်းရင်းမြစ်များ

1 Mokole 12:10

Ka do'amba mpotae mia memongura pe'asa ntinuwuno atuu, ”Kanandiomo asalakono pauako ira palili anu mpotaeakomu: ’Doweweuomo amamu tinembi mobea, sine omue, pokomonongkoomo tinembi mami’, kanandiomo asalakono pauako ira: ’Ana ntonisoku langkaiopo sekono tongado amaku.’

1 Mokole 12:14

Ipotaeako ira montonda patududo mia memongura, ”Ondae amaku moweeakomiumo tembia anu mobea, sine ongkue mokomobeao tembiamiu; ondae amaku sumepiakomiu ponsepi, sine ongkue sumepiakomiu ponsepi meruiako labu.”

Nehemia 5:15

Luwuno bupati se'eluno anu mese'elungi aku tedoa mokomobea ira palili. Luwuno bupati atuudo mpo'ala inso a mpalili pato pulu sikala salaka ilarono asa oleo tamoako kaanga ka anggoro. Tamoako miado mokonsii ira palili. Sine, nahi kupoweweu kanatuu hangano kudoitoako Ira Ue Ala.

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Powadi 15:27

Isema modokoako me'uraa wongi-wongi, mokomarisuo somborino, sine isema umo'aliaakono pompowee nahi pototono ta tuwu.

Puu Pontutulu 10:16

Masolakomo wita, tewala mokolemu asa ana mongura, ka anu langkai potorodo ndi omue mo'oru mpongkaa iramo!

Puu Pontutulu 4:1

Kukitao mbo'u luwuno pompokonsii anu wineweu i totono mata'oleo. Kitaomo, uwoi matado mia anu mempinokonsii ka nahina anu tumarero ira. Ndi ondae anu mpompokonsii hinao pabawa, sine nahina koa mbo'u anu tumarero ira.

Yesaya 3:12

Bawaa-Ku! Nana'ote mpokonsii ira, beine meparenta ira. Hei bawaa-Ku, luwuno petewawa mpompokontesaa, sala anu tinondamiu dompokopansiao!

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!