Powadi 28:1 - Wunta Mempori

¹ Mia mosa'o gauno molai maupo nahina anu lumuluo, sine mia mentee mosia kana singa mongura.

Powadi 28:1 ပူးပေါင်းရင်းမြစ်များ

1 Mokole 1:49

Luwuno mia pinoboino i Adonia mebulalingo, ka singge mia mentade lumako montonda salano onaeno.

2 Mokole 7:15

Ka do'amba melako tumonda bungku ira mia atuudo hawe a ngkoro Yarade. Huu, luwuno sala atuu bukeako sangka ka parewa anu pinetadiakodo to Arami tempono dompolai moririmpate. Mpekule iramo mia tinena atuu ka domentutuluo mongkona atuu ndi ondae mokole.

Nehemia 6:11

Kusangkio, ”Kana'umpeke mia kana ongkue andio ta molai? Mentee koake mia kana ongkue andio mewinso a laro po'ianga mempori ka kongko tuwu? Nahi aku lumako!”

Ayubi 15:21

Uni anu mongkokongiri hawe a birino, i tempono manangai mehawe ira puu mponsolangi ndi onae.

Po'unde-unde 112:7

onae nahi doitoakono lele mosa'o, aroano moroso, buke pompe'ala-alano ndi Ondae i Ue.

Po'unde-unde 53:5

Nahi dompokoto'orio mbo'uke mia anu mpoweweu mosa'o, anu pingko domengkaano bawaa-Ku? Ondae mpongkaa roti, sine nahi dompebooli ndi Ondae Ue Ala?

Po'unde-unde 53:6

I ra'aimo ondae manasa ta umalu ira doitoa, kahinaano nahina anu mompokotededengke; hangano Ondae Ue Ala merawoakono luwuno wukudo anu mengkaduko; omue komokoko'ii ira, hangano nami Dotarima ira Ue Ala.

Peluarakoa 11:8

Ipotaeakono i Musa i Pirao, ”Luwuno pegawaimu ira me'aiwa mpenggolontu ndi ongkue, ka dompotae: ’Peluarakomo, omue saru luwuno palili anu mentondako!’ Umarino atuu, aku meluarako.” Meluarakoomo i Musa anu tensila tekudano bintao i Pirao.

Powadi 10:9

Isema morina peleluno, moiko pelempano, sine isema melengku-lengkuako pesalaano, ta tino'ori.

Powadi 27:27

soompo uwoi uono bembe ta kaangamu ka kaangado somborimu, saru pepotuwudo beine anu mpekakaakomu.

Yesaya 30:17

Asa nsowu mia ta molai a pompokodoitono asa mia, a pompokodoitono olima mia komiu mpolai, ranta ka imebininta kana keu tinandapako petondoni a wawo punsuno torukuno ka kana bandera a wawo pongku.

Yesaya 7:2

Tempono ipinauako somborino i Daudi, ”to Arami mpekema iramo i wita Eparai,” aroano i Ahasi ka palilino mpondidi-ndidi medoito kana keu a ntobu mpelelu ipuurio angi.

Yeremia 20:4

Hangano kanandiomo pau-Do i Ue: Menteeano, Aku weweuko gagi doitoamu omuemu ka a luwuno sambe'emu; ondae ira ntebangkuako ponaino iwalido ka kokumitaakono matamu. Luwuno Yehuda Aku meweengako ira a ngkaeno mokole i Babeli anu ta wawa ira a pontadia i Babeli ka mepateako ira ponai.

Imama 26:17

Ongkue anu umewai komiu, ranta iwalimiu numangi komiu, ka ondae anu umo'aliaa komiu ira pabawai komiu, ka komiu mpolai, maupo nahina mia anu lumulu komiu.

Imama 26:36

Mongkona ondae anu da kongko mentuwu inso i olomiu, Aku mompotiiako ira danggara a laro aroado a luwuno witado iwalido, maupo unino lewe anu pinuurino angi ta lumulu ira, ka ira mpolai kana mia melulu olaiakono ponai. Ka ira ntebangku, kahinaano nahina mia anu lumulu ira.

WINEWEUDO TINENA 14:3

I Paulu ka i Baranaba mo'ia ba opia tempo tehineno i tu'ai. Mosia ira mompaguru, hangano dope'ala-ala Ira i Ue. Ka Dopokorosoo i Ue lele mongkona pompehohawa-Do ka moweeako ira pabawa moweweu hadio petondoni ka anu mengkinohali-haliako.

WINEWEUDO TINENA 4:13

Mansado mengkitao anu teriso atuu mosiado i Peturu ka i Yohane ka domento'orio, nine orua ira atuu mia anu komba hinao sikolado, mengkohali-hali iramo; ka domento'orio orua ira atuu anu tumonda Ira i Yesu.

Winali 28:25

Ondae i Ue Ira weweukomiu ntenangi i arodo iwalimu. Inso a asa nsala impeluarako sumapoi ira, sine opitu nsala komiu mpolai inso i arodo. Komiu megagi mongkokongiriado luwuno poparentaa i tolino.

Winali 28:7

Ondae i Ue Ira weweuo iwali anu aiwa sumapoi komiu tenangi i aromiu. Asa nsala insoado mpeluarako sumapoi komiu, sine opitu nsala ira mpolai inso i aromiu.

1 TESALONIKA 2:2

Sine maupo se'eluno omami, kana imento'orio, mebinobarasai kamimo ka mempinokongkodei i Pilipi, sine hangano pontulungi-Do Ue Alato, memosia kami mempaleleo ndi omiu Lele Mawongkoa inso ndi Ondae Ue Ala a laro mperokuhi anu mobea.