Powadi 27:22 - Wunta Mempori

²² Maupo u'isaakono po'isa mia benge-benge, a laro nohu saru gandu, benge-bengeno nahi ta tetadi inso ndi onae.

Powadi 27:22 ပူးပေါင်းရင်းမြစ်များ

1 Mokole 13:33

Umarino anu gagi mbo'u andio, i Yerobea nahi tebali inso a ntuwuno anu mosa'o atuu. Ipotoro ira mbo'u sando mpesomba inso a mpalili tiano luwuno pongku wita pesombaa. Isemamo koa anu behe ironsoo gagi sando mpesomba i luwuno pongku wita pesombaa.

Peluarakoa 12:30

Ka i'amba mewangu i Pirao wongi atuu saru luwuno pegawaino ka luwudo to Masiri. Ka terongeomo ponsabangia i wita Masiri, hangano luwuno raha hinao mia mate.

Peluarakoa 14:5

Mansano pinauako mokole i wita Masiri, nine to Isaraeli atuu mpolai iramo, tebaliomo aroano i Pirao saru luwuno pegawaino a tongku atuu, ka dompotae, ”Hapake anu wineweuto andio, ranta ka tompo'inee ira to Isaraeli melako inso a mpope'ataato?”

Peluarakoa 15:9

Potaedo iwali: ’Aku lumampui ira ka humawe ira, aku tumia-tiao pinomuru; Aku motolao tekudaku ndi ondae, aku butao ponaiku; kaeku ta mokoropu ira!’

Powadi 14:24

Ramba-ramba uluno mia pande mosongka onaemo kaeano, ramba-ramba uluno mia monge-monge onaemo benge-bengeno.

Powadi 23:35

Omue komotae, ”Mia sumepi aku, sine nahi kupompemahaki. Mia tumunduhi aku, sine nahi kupembasaio. Te'ipiake kupekaangako? Aku mo'ungke mbo'u anggoro.”

Powadi 26:11

Kana dahu mekule a ngkolua-luano, kanatuumo mia monge-monge anu walio benge-bengeno.

Yesaya 1:5

Tembio ka imebehe mentinunduhi mbo'u, omiu anu tekense mpebungkui Ira? Ulu mahaki luwu ka luwuno aroa molema ka telusa.

Yeremia 13:23

Poli irake to Etiopia me'euo kulido ke nggapu langkai meboti-boti balio lobano? Nde kana'umpe komiu mempolio mpoweweu moiko, hei mia anu meleleo mpoweweu mosa'o?

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

1 Samueli 19:21

Mansano pinauako i Saulu anu gagi atuu, onaemo kai wali montena mia susua, sine ondae koa mbo'u mebukeako Penaa kana nabi. Kopentoluno i Saulu montena mbo'u mia, ka ondae koa mbo'u mebukeako Penaa kana nabi.