Powadi 27:18 - Wunta Mempori

¹⁸ Isema mompekaria keu ara ta mongkaa wuano, ka isema modagai ueno ta pinelangkai.

Powadi 27:18 ပူးပေါင်းရင်းမြစ်များ

2 Mokole 18:31

Si merongeo i Hisikia, hangano kanandiomo paudo mokoledo to Asuri: Poweweumo pedandia sintuwu saru ongkue ka peluarakomo tepohaweakune, ka sompo mia inso i olomiu ta mongkaa inso a ngkeu anggorono ka keu arasino saru mo'inu inso a nsumuruno,

2 Mokole 3:11

Sine mesikeno i Yosapa, ”Nahina ke i ndi'ai te'asa mia nabi-Do i Ue, ka tompo'ema pontiso-Do i Ue molalo onae?” Ka i'amba asa mia i olono pegawaido mokoledo to Isaraeli sumangki, ipotae, ”I ndi'ai kongko i Elisa anano i Sapati, anu i ndi'ipua mekakaakono i Elia.”

2 Mokole 5:25

Mansano mewinso i Gehasi ka ipentade i arodo ueno, motae i Elisa ndi onae, ”Insoko isuake Gehasi?” Sumangki i Gehasi, ”Atamiu andio nahi lako maupo isua!”

2 Mokole 5:27

Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

Esetere 6:11

Ka i'amba i Hamani umalao sangka ka ngara atuu ka ipokonaakono sangka atuu ndi Modekai, ka i'amba wawao i Modekai telalo a ntanalapano kota atuu, ka onae meboo-booli i arono, ”Kanandiomo iwineweu a mia anu pinelangkaido mokole.”

Po'unde-unde 123:2

Kitao, kana matado ata ntama te'aro a ngkaeno pe'ueado, kana matano ata beine te'aro a ngkaeno pe'ueano beine, kanatuumo matato te'aro ndi Ondae i Ue, Ue Alato, hawe ka Dopehohawa kita.

Peluarakoa 24:13

Meronga saru i Yosua, pinerorohino, mentadeomo i Musa ka doporake a ntorukuno-Do Ue Ala atuu.

Powadi 17:2

Ata anu molino pinewowolono ta pabawa a ana anu moweweu mokoko'iia, ka ta mohawe tia pusaka meronga luwuno pepaekompono ana atuu.

Powadi 22:29

Horikoke mongkita mia anu pande ntu'u a laro mpo'anggaano? I arodo luwuno mokole onae ta mentade, komba i arodo mia anu pinokongkodei.

Powadi 27:17

Labu mokomontasoo labu, mia mokomontasoo pe'asa miano.

Powadi 27:19

Kana uwoi montami rupa, kanatuumo aroano mia tumamio mia atuu.

Penani Maramba 8:12

Lere anggoroku, ongkueku me'ueo, kongko i aroku; tiamumo asa nsowu lempe salaka atuu, mokole Solema, ka rua etu tiado mia anu medagaio hasilino.

Yesaya 36:16

Si merongeo i Hisikia, hangano kanandiomo paudo mokoledo to Asiuri: Poweweumo pedandia sintuwu saru ongkue ka peluarakomo tepohaweakune, asalakono sompo mia inso i olomiu ta mongkaa inso a ngkeu anggorono ka keu arano saru mo'inu inso a nsumuruno,

I MATIU 24:25

Impe'ihilaroo, se'eluomo Kupauakomiu.

I MATIU 24:46

Me'uraomo ata, anu ihaweo ueno umanggao anggano atuu, tempono i hawe ueno atuu.

I MARAKUSU 10:43

Komba kanatuu i olo omiu. Ba isema mingki gagi langkai i olomiu, asalakono ka igagi puu pompekakakomiu,

I LUKASI 12:37

Meme'ura iramo ata anu ihawe ira uedo mpedaga-dagai tempono ihawe. Kupauakomiu: Menteeano onae ta meboo ntonga ka itena ira mpentoro mpongkaa, ka onae ta aiwa mekakaako ira.

I LUKASI 12:42

Sumangki Ira i Ue, ”Gagi, isemake anu metenunu mompekakaako raha ka pande mosongka anu ta motoroo ueno gagi petewawa a luwuno atano ka ipoweeako ira kaanga a tempono?

I LUKASI 19:17

Ipotaeakono mia atuu: Moiko ntu'u wineweumu atuu, hei ata anu moiko; metenunukomo a wineweu anu kodei, onaemo pu'uno tarimaomo ka upabawaio hopulu kota.

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

WINEWEUDO TINENA 10:7

Mansano bintao mala'eka anu mepauakono atuu, ipoboi iramo atano orua ira saru asa sorodadu anu mesomba ntu'u ndi Ondae i Ue inso a luwuno mia anu wela perongano.

1 KORINTI 3:8

Moiko anu mompaho maupo anu monsiwui mengkena koa; ka singge mia ta tumarimao tambono menunu saru inanggano onaeno.

1 KORINTI 9:13

Nahi imento'orioke, nine ondae anu mpompekakaako a mpo'ianga mempori mpohawe pepotuwudo inso a mpo'ianga mempori atuu ka nine ondae anu mpompekakaako meda pontunua pesomba, mpohawe tiado inso a meda pontunua pesomba atuu?

1 KORINTI 9:7

Isemake anu horio metonda a laro mpeteaa tumembio luwu kinereno? Isemake anu mompahoakono lere anggoro ka nahi kaano wuano? Ke isemake anu mompakambi bawaano bimba ka nahi po'inu susuno bimba atuu?

KOLOSE 3:22

Hei luwuno ata, impetenunumo a uemiu anu i wawontolino andio a luwuakoano, si komba butu mokonsanaa ira i arodo, tendeano a moleono aroa hangano doitoako Ira i Ue.

2 TIMOTIU 2:6

Asa mia puu mpelere anu mokua ntu'u asalakono anu merapio amba-ambano hasilino inanggano.

1 PETURU 2:18

Hei omiu, luwuno ata, impetuundumo saru buke doito a uemiu, komba butu a anu moiko ka mauru, sine a anu mbo'u lambaha.

1 PETURU 2:21

Hangano onaemo atuu ka imempinoboi, hangano maupo Ondae i Kerisituu Dotebobarasaiakomiumo ka Dopobintaakomiumo pandiri, ka imentondao wineweu-Do.

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.