Powadi 24:12 - Wunta Mempori

¹² Tewala omue mepau, ”Mentee ntu'u nahi kimento'orio mongkona atuu!” Ondae anu paresao aroa nde nahi Dopokonto'orioke? Ondae anu dumagaio sumangamu nde nahi Doto'orioke, ka sumuloakono mia montonda wineweuno?

Powadi 24:12 ပူးပေါင်းရင်းမြစ်များ

Ayubi 34:11

Tendeano, Ondae mohuku mia menunu wineweuno, ka weweuo mia menunu peleluno.

Po'unde-unde 121:3

Nahi Ira mo'ineeo karumu telelu, Anu Dumagaiko nahi Ira tekoturi rodo.

Po'unde-unde 121:8

Ondae i Ue Ira dumagaio peluarakomu ka pewinsomu, mompu'u kanandio-andio hawe nahina tampulaano.

Po'unde-unde 17:3

Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,

Po'unde-unde 44:21

Ande-andeno kimengkolupeo nee-Do Ue Alamami, ka mentandeo kaemami a mpinesombai susua,

Po'unde-unde 62:12

Asa rupa Dopauo Ue Ala, orua rupa kurongeo: nine roso kongko ndi Ondae Ue Ala,

Po'unde-unde 66:9

Ondae weweu kami kongko mentuwu ka nahi po'ineeo karumami telelu.

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Po'unde-unde 94:9

Ondae anu pasao biri, nde kana'umpe nahi Ira rumongeo? Ondae anu weweuo mata, nde kana'umpe nahi Ira kumitao?

Powadi 12:14

Sompo mia pinokomowohiako moikoa hangano wuano pau, ka mia mohawe ponsulo inso anu inanggano kaeno.

Powadi 16:2

Luwuno pesalaano mia morina montonda pongkitano onaeno, sine Ondaemo i Ue anu paresao aroa.

Powadi 21:2

Sompo pesalaano mia moleo montonda pohaweno onaeno, sine Ondae koa i Ue anu paresao aroa.

Powadi 5:21

Hangano luwuno pesalaano mia te'ungkahi i arono pongkita-Do i Ue, ka luwuno pelempano mia Dodagaio.

Powadi 5:22

Mia mosa'o gauno kona rako a laro wineweuno mosa'o, ka kona oho a laro ngkoloro halano onaeno.

Puu Pontutulu 5:8

Asa urano wita a laro nteweweu kanatuu onaemo tewala mokoleno pinelangkai i wita atuu.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Ponsabangi 3:36

ke mia wineweu nahi moleo a laro kara-karano, nahike Ira kumitao i Ue?

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

WINEWEUDO TINENA 17:28

Hangano i laro-Do tomentuwu, tompelelu, tomekongko kana koa mbo'u anu pinaudo puu mpowadimiu: Hangano ontae andio inso a inule-Do koa mbo'u Ue Ala.

ROMA 2:16

Mongkona atuu ta mengkaa a oleo, menunu saru Lele Mawongkoa anu kupaleleo, Ondae Ue Ala Ira bitarao luwuakoano anu tewuni i laro aroano mia, hangano Ondae i Yesu Kerisituu.

ROMA 2:6

Ira sumuloakono sompo mia montonda wineweuno,

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

MENGKAAA 2:18

”Ka buriakonomo mala'ekado bawaa i Tiatira: Ndiomo pau-Do Ana-Do Ue Ala, anu mata-Do kana langano api ka karu-Do kana mala:

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

MENGKAAA 22:12

”Menteeano Aku ronga hawe ka Kuwawao tambo-Ku ka isinuloako sompo mia montonda wineweuno.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”

1 Samueli 2:3

Siimo mbo'u imengkolaba-laba mpau, pau anu nahina pengkonaano, siimo ipeluarako inso ia wiwimu, nde Ondae i Ue atuu Ue Ala anu tumo'orio luwuakoano, ka luwuno wineweudo mia Ondae putusio.

1 Samueli 2:6

Ondae i Ue mompepate ka mompotuwu, ka Ondae mompotii a mpo'iangado mia mate ka mowuatako inso i ra'ai.

1 Samueli 25:29

Ande-andeno hinao mia anu lumulu komiu ta mepate komiu, penaamiu ta tekadudui a laro luwuno mia anu mentuwu mpomperorohi ndi Ondae i Ue, Ue Alamiu, sine penaado iwalimiu Ira mesembiakono.