Powadi 22:23 - Wunta Mempori

²³ Hangano Ondae i Ue umala-alaakono kara-karado, ka umalao penaano mia anu rumontuki ira.

Powadi 22:23 ပူးပေါင်းရင်းမြစ်များ

Po'unde-unde 103:6

Ondae i Ue anu mokorosoo moleoa ka songka tiado luwuno mia anu tepokonsii.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 12:6

Hangano pompokonsiia a mia molema, hangano pompemasusano mia mongkokolaro, kanandio-andio Akumo mentade, pau-Do i Ue; Aku moweeakono pongkadudui a mia anu kumekewoio.

Po'unde-unde 140:12

Anu momposebe nahi ta mokompo'ia i wita andio; anu mompokonsii ta tumondario masolaa.

Po'unde-unde 140:13

Kuto'orio nine Ondae i Ue Ira moweeakono moleoa a mia anu tepokonsii, ka umalaakono kara-karano mia mongkokolaro.

Po'unde-unde 35:1

Inso ndi Daudi. Ewai iramo mia anu umewai aku, oo Ue, Ipeteamo umewaio mia anu meteaakune!

Po'unde-unde 35:10

luwuno wukuku motae, ”Oo, Ue, isemake kana Omiu, anu motolao mia marasai inso a ngkaeno mia anu lalu moroso, mia memarasai ka mongkokolaro inso a ngkaeno mia anu rumontuo?”

Po'unde-unde 43:1

Ipowee akumo moleoa, oo Ue Ala, ka Ikorahakonomo kara-karaku a nsuku anu nahi moleo! Ipotola akumo inso a anu mompopo'oo ka mia molengku!

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Peluarakoa 22:22

Asa mia tuwua beine ke nana'ote nahina amano, si pokonsiio.

Peluarakoa 22:23

Tewala mansa impokonsii ira, ka mepetulungi ira ndi Ongkue, manasa Aku rumongeo pepetulungido.

Powadi 21:7

Mia mosa'o gauno irendeo pobobarasaido, hangano nahi domebehe mpoweweu moleoa.

Powadi 23:11

Hangano pontolosido moroso, Ondaemo anu umala-alaakono kara-karado umewaiko.

Yesaya 33:1

Masolakomo ntu'u, hei anu monsolangi anu napi sinolangi, ka omue, hei puu mporuntu anu napi rinontu! Tewala umarikomo monsolangi, omue isa'a kosinolangi; tewala omue umari morontu, omue isa'a korinontu.

Yeremia 30:16

Sine luwuno mia anu tumeleko ta tinele, ka luwuno iwalimu ira mpewinso a laro pontawaa; mia anu merontuko ta gagi rinontu, ka luwuno mia anu mpomuruko Aku weweuo gagi pomurua.

Yeremia 50:34

Sine Puu Pontolosido moroso, Ondae Ueno luwuakoano nee-Do. Manasa Ira tumeahakono kara-karado, ka Dopoweeakono rodoa i tolino, sine tewukaa a mpalilino Babeli.

Yeremia 51:36

Onaemo pu'uno, kanandiomo pau-Do i Ue: Menteeano, Aku kumorahakono kara-karamu, ka moweweuakomu pombaloa: Aku mokomo'areo tahino ka weweuo mata uwoino mo'are;

Mika 7:9

Aku tumembio tekuda-Do i Ue, hangano tehala akumo ndi Ondae, ranta ka Do'ungkeakono kara-karaku ka tumeahakono moleoa ndi ongkue. Ira wawa aku a mewantaano, ka kukitao moleo-Do.

Habaku 2:8

Hadioomo tongku pinomurumu, ranta luwuno tongku anu toreano ira mempomuruko hangano reano mia anu te'uwu atuu ka pobobarasaia a wita, kota saru luwuno palilino.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 24:15

Isemake anu linuluno mokoledo to Isaraeli? Isemake anu linulumiu? Butu dahu mate! Butu anu kana kutu!

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.