Powadi 21:1 - Wunta Mempori

¹ Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Powadi 21:1 ပူးပေါင်းရင်းမြစ်များ

2 Mokole 19:33

Telalo a nsala tempono i'aiwa onae pesalaano mekule, sine a ngkota andio nahi ta mewinso, kanandiomo pau-Do i Ue.

Esera 1:1

A nta'u amba-ambano poparentaano i Koresi, mokole i Peresia, Ondae i Ue lumeluo aroano i Koresi, mokole Peresia atuu, ka ite'ihii pau-Do iUe anu pinauno i Yeremia. Onaemo ka ipinalele pepopoto'ori andio a luwuno poparentaa, pinau ka binuri, kanandio,

Esera 1:2

”Kanandiomo songkado i Koresi, mokole i Peresia: Luwuno poparentaa i wawontolino, Dowee akumo i Ue, Ue Alano asa wawontolino pabawaio. Ondae tumena aku mowangu Raha Mpesombaa i Yerusale, i wita Yehuda.

Esera 6:22

Domporame-rameakono oleo langkai Roti Nahi Peragi, memawongkoa ira opitu oleo tehineno hangano Ondae i Ue mokomawongko ira. Ondae i Ue balio aroano mokole i wita Asuri ka ipokowali ira anggaano mpowangua Raha-Do Ue Ala, Ue Alado to Isaraeli.

Nehemia 1:11

Oo Ue, po'ineeomo biri-Miu rumongeo pekakaino tetenaa-Miu andio ka a pekakaido luwuno tetenaa-Miu anu inso i aroano dumoitoakono nee-Miu, ka po'ineeomo ka ime'ura tetenaa-Miu oleo andio ka mohawe pompehohawa inso a mia andio.” Tempo atuu ongkue andio puu mpo'atora inuado mokole.

Nehemia 2:4

Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi,

Nehemia 2:8

asa mbo'u wunta tiano i Asapi, puu mpodagai tobudo mokole, kai powee aku keu kaipinasa luwuno sobo a luwuno pewowa langkaino bente umpeda Raha Mempori, a benteno kota ka a raha anu ta po'iangaku.” Po'emaku atuu do'induo mokole, hangano kae moiko-Do Ue Alaku kumadudui aku.

Esetere 2:17

Mengkaa i Esetere dopehohawao mokole laluaopo sekono luwuno beine susua ka onae mohawe pompehohawado mokole laluaopo sekono luwuno ana beine susua, ranta dopokonaakono mokole ramba-ramba poparentaa a uluno ka dopotoroo gagi mokole beine euno i Wasati.

Po'unde-unde 105:25

Dobalio aroado ka do'o'aliaako ira bawaa-Do, ka dompopo'oo ira tetenaa-Do.

Po'unde-unde 106:46

Doweweu ira mpohawe pompehohawa inso a luwuno mia anu tumawa ira.

Po'unde-unde 114:3

Tahi kumitao, ka i'amba molai, Koro Yarade mepokule i uluno uwoi.

Po'unde-unde 114:5

Hinao hapa, hei tahi, ranta ka upolai, hei Koro Yarade, ranta ka upepokule i uluno uwoi,

Po'unde-unde 74:15

Omiumo anu umungkahio mata uwoi ka korono; Omiumo anu mokomo'are ira korono anu biasano waa mpiha.

Po'unde-unde 93:4

Sekonopo rurunduno uwoi anu langkai, sekonopo tepehano bomba anu tedoa langkai, langkai Irapo i Ue a mpo'ianga mantande.

Peluarakoa 7:3

Sine Aku mokomoteao aroano i Pirao ka Aku mompoko hadio petondoni ka moweweu kinohali-haliako i wita Masiri.

Powadi 16:1

Mia polio montitimbanga i laro aroano, sine sangkino elo pu'uno inso ndi Ondae i Ue.

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Powadi 20:24

Pelempano mia inso ndi Ondae i Ue, ka i'amba kana'umpe mia ka ipokonto'orio sala ntumuwuno?

Yesaya 43:19

Kitao, Aku weweuo asa anu wo'ohu, anu kanandio-andio tuwuomo, naapoke imento'orio? Oo, Akumo moweweu sala i pada one ka hadio korono a mpada malua.

Yesaya 44:27

Ongkuemo anu mepau a ondaloano tahi: Gagimo motu'i, Aku mokomotu'i ira koronomiu!

Yeremia 39:12

”Wawaomo ka pekakaakono. Si poweweu hapamo koa anu mosa'o ndi onae, tendeano weweuakono menunu saru po'emano ndi omue!”

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

WINEWEUDO TINENA 7:10

ka motolao inso a luwuno pompokonsii ka mehohawao pompehohawa ka ponto'ori, tempono ipe'aro ndi Pirao, mokoledo to Masiri. I Pirao motoroo gagi pabawaio wita Masiri ka a luwuno langkanaeno.

MENGKAAA 16:12

Ka mala'eka anu ko'onoo umuwuo tondeno a wawo ngkorono anu langkai, koro Eparata, ka i'amba mo'areomo uwoino, ka itetindamo pesalaado luwuno mokole anu me'aiwa inso i sabaano oleo.

MENGKAAA 16:4

Ka mala'eka anu ko'otolu umuwuo tondeno a wawo luwuno korono ka luwuno mata uwoi, ka luwuno gagi rea.