Powadi 20:22 - Wunta Mempori

²² Si potae, ”Aku sumuloo wineweu mosa'o,” sikori Iramo i Ue, Ira kumaduduiko.

Powadi 20:22 ပူးပေါင်းရင်းမြစ်များ

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

Po'unde-unde 27:14

Sikori Iramo i Ue! Pokorosoo ka pedatoomo aroamu! Sikori Iramo i Ue.

Po'unde-unde 37:34

Sikori Iramo i Ue ka tondaomo mpiha pesalaa-Do, ka Ira tumandeko ka upe'ueo wita andio, ka kokumitao mia mosa'o gauno pinokotampula.

Po'unde-unde 37:40

Ondae i Ue montulungi ka motola ira, Ondae motola ira inso a ngkaeno mia mosa'o gauno ka kumadudui ira, hangano mpepekadudui ira ndi Ondae.

Powadi 17:13

Isema monsuloako wineweu moiko saru wineweu mosa'o, wineweu mosa'o nahi ta olai inso i rahano.

Powadi 19:11

Pinewowolo molino weweuo asa mia tedoa sabara ka marambano onaemo nahi kitaakono polimpaia.

Powadi 20:21

Pine'ue anu magasi ihinawe a pompu'uano, poko'ariano nahi rinonso.

Powadi 24:29

Si pepau, ”Kana'umpe ipokoko'ii aku, kanatuu kupokoko'iio. Aku mombalo a mia menunu saru wineweuno.”

Yesaya 40:31

sine mia anu sumisikori Ira i Ue mohawe roso wo'ohu: ondae kana rajawali anu meneeako rosono panino; ondae mpelulu ka nahi domegagi molema, ondae mpelempa ka nahi domegagi mokendo.

Imama 19:18

Siimo potuntu pobalasi, ka siimo ponaa-naa aroa a luwuno mia pe'asa tongkumu, tendeano pehohawaomo pe'asa miamu kana koroimu. Ongkuemo Ue.

I MATIU 5:39

Sine Kupauakomiu: Si me'ewaio mia anu moweweu mosa'o ndi omiu, tendeano isemamo koa anu pedeo kombisi koanamiu, weeakono mbo'u kombisi manggalimiu.

Winali 32:35

Pontooa ka pombaloa onaemo tia-Ku, i tempono karudo namimoroso, hangano oleo masolaado rangkuomo, hapa anu domempinatindaako tamo ronga hawe.”

1 TESALONIKA 5:15

Impekokoongakono, ka si hina mia anu mombaloako mosa'o ka anu mosa'o, sine ime'ungkeakono mpiha anu moiko, ndi omiu nte'o'asa mia ka a luwuno mia.

1 PETURU 2:23

Tempono Dopinepauikiako, nahi Dopombaloako pompepauki; tempono Dotebobarasai, nahi Dopompokodoito, sine Dopeweengakono ndi Ondae, anu moleo Dopobitara.

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.

1 Samueli 25:13

Ipotaeako ira i Daudi miano, ”Sisingge mia metampio ponaino.” Onaemo ka dompetampio ponaido, kanatuu koa mbo'u i Daudi ipetampio ponaino. Bara'ura pato etu mia anu tumondao i Daudi, anu orua etu mia mpo'ia mpodagai sangkado.