Powadi 2:9 - Wunta Mempori

⁹ Hangano kanandio omue ko mokonto'orio mongkona menteea, moleoa, ka nahina pegaupi, onaemo luwuno pesalaa anu moiko.

Powadi 2:9 ပူးပေါင်းရင်းမြစ်များ

Po'unde-unde 119:105

Pau-Miu atuu huluno karuku ka mewineno pesalaaku.

Po'unde-unde 119:99

Molinoopo pinewowoloku sekonopo luwuno anu paguru aku, hangano luwuno pepopoto'ori-Miu anu kupenootio.

Po'unde-unde 25:12

Isemake mia anu doitoako Ira i Ue? Ndi onae Dopontisoakono i Ue pesalaa anu asalakono ibinikio.

Po'unde-unde 32:8

Aku paguruko ka tumisoakomu pesalaa anu asalakono ka utondao; Aku moweeakomu patudu, mata-Ku te'aro ndi omue.

Powadi 28:5

Mia mosa'o wineweuno nahi pokonto'orio moleoa, sine mia anu umungke Ira i Ue mokonto'orio luwuakoano.

Powadi 4:12

Tewala omue melempa, pelempamu nahi ta te'onsoi, tewala omue melulu, nahi kotetidu.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Powadi 8:20

Melempa aku a nsala menteea, i tonga-tongano sala moleoa,

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 48:17

Kanandiomo pau-Do i Ue, Pontolosimu, Anu Tedoa Mempori, Ue Alado to Isaraeli, ”Ongkuemo Ue, Ue Alamu, anu paguruakomu hapa anu mentudu, anu tumaateko a nsala anu asalakono kotumondao.

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.