Powadi 2:6 - Wunta Mempori

⁶ Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Powadi 2:6 ပူးပေါင်းရင်းမြစ်များ

1 Mokole 10:24

Asa wawontolino mposongka ira ntepohaweakono i Salomo, ira merongeo ondaedo pande anu Doweeakonomo Ue Ala i laro aroano.

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 3:9

Onaemo Iweeakonomo tetenaa-Miu andio aroa anu bukeako ponto'ori ka igagi puu mpobitara a bawaa-Miu, ka polio monsiao anu moiko ka anu mosa'o. Hangano isemake anu polio gagi puu mpobitara a bawaa-Miu anu langkai andio?”

1 Mokole 4:29

Ondae Ue Ala moweeakono i Salomo pande mompewowolo ka ponto'ori anu tedoa mantii saru pinewowolo anu malua kana one i wiwi ntahi.

1 Tawarika 22:12

Butu po'ineeomo Ondae i Ue moweeakomu pompewowolo molino ka ponto'ori ka weweuko moparenta a nto Isaraeli, kau pekakaakono Taura-Do i Ue, Ue Alamu.

Esera 7:25

Omue Esera, pakeomo ponto'orimu inso ndi Ondae Ue Alamu anu Doweeko, kau potoro ira petewawa, puu mpobitara, ka domebitara ira luwuno palili anu mpo'ia i asa towano Koro Eparata, onaemo luwuno mia anu mponto'ori songka-Do Ue Alamu ka mia anu napi to'orio, asalakono paguruako ira.

Nehemia 7:5

Ondae Ue Ala lumeluo aroaku pumpu ira mia pinemota'u, anu mempabawa ka palili, ka domebinuri a mpotudano tumuwu. Ka ku'amba humaweo wunta buriano potudano tumuwudo mia anu ntese'elu mpelungka mpekule. A wunta buriano atuu kuhaweo teburi:

Ayubi 12:13

Kahinaano ndi Ondaemo Ue Ala ponto'ori ka roso, Ondaemo anu hinao pontimbanga ka ponto'ori.

Ayubi 12:16

Ndi Ondaemo pabawa ka ponangia, Ondaemo anu pabawaio moiko mia anu pansia maupo mia anu mompokopansia.

Ayubi 22:22

Tarimaomo hapa anu ipaguruakomu nganga-Do, ka naaomo pau-Do i laro aroamu.

Ayubi 32:8

Sine penaa anu i larono mia, ka penaa-Do Anu Tedoa Pabawa, onaemo anu moweeakono ponto'ori.

Po'unde-unde 119:104

Inso a luwuno parenta-Miu kupohawe ponto'ori, onaemo pu'uno ku'o'aliaakono luwuno pesalaa anu nahi mentee.

Po'unde-unde 119:34

Iwee akumo ponto'ori, ka kupe'ini a Songka-Miu; aku mekariao tompaano aroaku.

Po'unde-unde 119:98

Parenta-Miu weweu aku lalu pande mosongka sekono luwuno iwaliku, hangano onaemo anu kumongkomi aku ranta nahina tampulaano.

Po'unde-unde 19:7

Inso i tompano langi onae mesabaako, ka ipelempa hawe i tompano anu susua; nahina anu te'engoi inso a ntedoa mokulano.

Po'unde-unde 19:8

Taura-Do i Ue atuu soompo ntu'u, mompokoroso sumanga; atora-Do i Ue atuu moroso, mompowee ponto'ori anu mentee a mia anu napi hina pinembasaino.

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Po'unde-unde 94:10

Ondae anu paguru ira tongku, nde kana'umpe nahi Ira mohuku? Ondae anu paguruako ira mia ponto'ori.

Peluarakoa 31:3

Ku'buketiakonomo pabawano Penaa-Do Ue Ala, saru monto'ori, ponto'ori, pande mompewowolo ka mperupa-rupa ponto'orino,

Powadi 6:23

Hangano parenta atuu hulu, ka pompaguru atuu wanta, ka pongkuahako anu mompaguru atuu sala ntuwua,

Puu Pontutulu 2:26

Hangano, a mia anu Dopekonoo Dopoweeakono ponto'ori ka mawongko, sine mia tehala Dotenao ka ipopumpu ka mohowu hapa-hapa anu lembuino asalakono iweeakono mia anu Dopekonoo Ue Ala. Ndio mbo'u nahina tuduno ka perokuhi mobuani angi.

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yesaya 8:20

ka ipohawe pompaguru ka pe'oliwi?” Isema anu nahi sangki menunu saru pau kanatuu, ndi onae nahi pesabaako towea.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 2:23

Oo Ue Alado uempu'uku, ku'unde-unde Komiu ka melangkai Komiu. Hangano, Omiu moweeakune ponto'ori anu mentee ka roso, ka kanandio-andio Ipauakunemo hapa anu kime'emao ndi Omiu, ka pauakami pinemasusado mokole.”

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.