Powadi 2:5 - Wunta Mempori

⁵ ka omue komohawe ponto'ori mongkona doitoako Ira i Ue ka mohawe ponto'ori mongkona Ondae Ue Ala.

Powadi 2:5 ပူးပေါင်းရင်းမြစ်များ

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Powadi 1:7

Doitoako Ira i Ue onaemo pompu'uano ponto'ori, sine mia benge-benge tumetewehio ponto'ori anu mentee ka pompaguru.

Powadi 28:7

Mia anu mekariao songka onaemo ana anu hinao ponto'orino, sine mia anu mebawaaako anu modoko mongkaa mokoko'iio amano.

Powadi 8:17

Ongkue mehohawao mia anu mehohawa aku, ka mia anu mokua umungke aku ta humawe aku.

Powadi 9:10

Pompu'uano ponto'ori anu mentee onaemo doitoako Ira i Ue, ka tumo'ori Ira Anu Tedoa Mempori onaemo ponto'ori.

Yesaya 33:6

Ta hawe tempo rodoamu, hadio ntu'u tekaduduia, ponto'ori anu mentee ka ponto'ori. Doitoako Ira i Ue, onaemo arataa kaeano Sioni.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.