Powadi 19:21 - Wunta Mempori

²¹ Hadioomo sinongka i aroano mia, sine pomputusi-Do koa i Ue anu gagi.

Powadi 19:21 ပူးပေါင်းရင်းမြစ်များ

Tegagia 50:20

Lano mposongka komiumo anu mosa'o ndi ongkue, sine Ondae Ue Ala mosongka Iramo moikoa, mokomengkaao hapa anu gagi kanandio-andio, onaemo mekariao tuwuno mia hadio.

2 Samueli 17:14

Motae i Abisalo ka luwudo to Isaraeli, ”Patuduno i Husai, to Araki, moikoopo sekono patuduno i Ahitopeli.” Lano Ondae i Ue Dopatotoomo kasi gagi patuduno i Ahitopeli anu moiko, ka Dopoweeakono i Ue masolaa ndi Abisalo.

Esetere 9:25

sine mansado pinauako mokole mongkona atuu, onaemo ka dopepau mesala a wunta, kai sinule sinongkano i Hamani anu mosa'o a nto Yahudi atuu a wawo uluno onaeno. Onaemo pu'uno i Hamani saru luwuno anano ka domesinonso a ngkeu pinontade.

Ayubi 23:13

Sine nahi Dohori bali, isema moko'onsoi Ira? Hapa anu inehe-Do Doweweuo.

Po'unde-unde 21:11

Inuledo Komiu mepate ira inso i wawontolino, ka ana'uedo inso i olodo anano mia.

Po'unde-unde 83:4

Ondae mpoweweu tepo'asaa mpau pe'akala umewai ira bawaa-Miu, ka ondae nteriso ira me'ewaio luwuno mia anu kinadudui-Miu.

Powadi 12:2

Mia moiko Dopemoikoo i Ue, sine anu mompopo'oo Dohukuo.

Powadi 16:1

Mia polio montitimbanga i laro aroano, sine sangkino elo pu'uno inso ndi Ondae i Ue.

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Powadi 19:22

Pelelu anu pinemoiko a asa mia onaemo petenunu; moikoopo mia mongkokolaro sekonopo mia megaupi.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Powadi 21:30

Nahina ponto'ori anu mentee ka ponto'ori, ka nahina pontimbanga anu mokompengkenaako Ira i Ue.

Puu Pontutulu 7:29

Kitaomo, butu onae ndio hinaweku: Dopokogagiomo Ue Ala mia anu moleo, sine mpo'ungke ira hadio pepokomenteedo.

Yesaya 14:24

Ondae Ueno luwuakoano mesumpa Iramo kanandio, ”Menteeano kana anu Kupewowoloo, kanatuumo ta gagi, ka kana anu tinoo-Ku, kanatuumo ta wineweu:

Yesaya 46:10

Ongkuemo anu pauo inso a pompu'uano mongkona luwuakoano anu pokotompa ka inso a tempo se'eluno ntu'u hapa anu napi pinokoweweu, anu motae: Tinoo-Ku ta gagi, ka luwuno po'ehe-Ku Aku weweuo.

Yeremia 44:29

Ndiomo petondoni ndi omiu, kanandiomo pau-Do i Ue, nine Aku humuku komiu a mpo'ianga andio, ka imento'orio nine luwuno pinau-Ku ndi omiu mentee ntu'u ta gagi tiano masolaamiu.

Yehesikieli 20:32

Nahi ta gagi hapa anu melurako i laro aroamiu, hapa anu pinaumiu, ’Inehemami kana luwuno tongku susua, kana luwuno suku i luwuno wita ka kimpesomba a ngkeu ka a watu.’

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

EPESU 1:11

Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.