Powadi 19:20 - Wunta Mempori

²⁰ Rongeomo patudu ka tarimaomo pompaguru, ka ugagi pande mosongka i oleo lembuiano.

Powadi 19:20 ပူးပေါင်းရင်းမြစ်များ

Po'unde-unde 37:37

Pekokoongakono mia anu moleo aroano ka pepenteeomo mia anu nahi molengku, hangano a mia anu ineheno manangai ta hina oleo ramaino;

Po'unde-unde 90:12

Ipaguru kamimo dumoao luwuno oleomami, ka kimpohawe aroa anu pande mosongka.

Po'unde-unde 90:14

I tempono mo'oru Ipokomowohiakamimo pompehohawa-Miu, ka kimengkokora-kora mpo'unde ka memawongko asa ntinuwumami.

Powadi 1:2

ka itino'ori ponto'ori anu mentee ka pompaguru, ka ipinokonto'ori luwuno pau anu mentudu,

Powadi 1:3

ka itinarima pompaguru anu mompokogagi pande; onaemo menteea, moleoa ka nahi pegaupi;

Powadi 1:8

Hei anaku, rongeomo pompaguruno amamu, ka si pebungkuio pompaguruno inemu,

Powadi 12:15

Pesalaano mia benge-benge moleo a mpotaeno onaeno, sine isema momperorongeako patudu, onae pande mosongka.

Powadi 13:10

Pompelangka-langkai butu moweweu pengengea, sine ondae anu mpomperorongeako patudu hinao ponto'ori anu mentee.

Powadi 15:32

Isema nahi perioo pompaguru tumadio koroino onaeno, sine isema rumongeo pongkuahako, mohawe pinewowolo molino.

Powadi 19:19

Mia anu magasi lahi tekuda ta kona denda, hangano tewala komingki tumulungio, butu kotumiangio tekudano.

Powadi 4:1

Rongeomo, hei nana'ote, pompaguruno asa ama, ka pekokoongakonomo ka upohawe ponto'ori,

Powadi 8:14

Ndi ongkue hinao patudu ka pontimbanga, ongkuemo ponto'ori, ndi ongkuemo roso.

Powadi 8:33

Rongeomo pompaguru, asalakono komiu mempande mposongka; si mperuanahio.

Yeremia 6:8

Tarimaomo pohuku, hei Yerusale, ka si Kubintako, ka si Kuweweuko boni-boni, gagi wita anu nahina palilino!”

Sepanya 3:7

Kupewowoloo: Manasa kanandio-andio onae ta doito ndi Ongkue; onae ta merioo pohuku. Luwuno anu Kuhukuakono nahi ta kumolupeo. Sine tendeano kogagi-gagino dompoweweu anu mokoburu.

Podoaa 23:10

Isemake anu hori dumoao awuno i Yako ka isema anu hori momporoko tepumpuno awuno i Isaraeli? Bakanaano aku mate kana mateno mia moleo bakanaano mateaku kana mateado.”

Winali 32:29

Tewala mempande ira pompewowolo, manasa ira mento'orio anu kanandio, ka mperioo tampulaado.

Winali 8:16

ka anu i pada one moweeakomiu mpongkaa mana, anu nahi domento'orio uempu'umiu, ka Doweweu komiu mpe'urumako ka Do'arahako komiu, poko'ariano butu Ira moweweu moiko ndi omiu.