Powadi 19:17 - Wunta Mempori

¹⁷ Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Powadi 19:17 ပူးပေါင်းရင်းမြစ်များ

2 Samueli 12:6

Anano bimba waino atuu asalakono inowahi, euno meluka opaa hangano iweweuomo anu kanatuu ka nahina pompehohawano.”

Po'unde-unde 41:2

Me'uraomo mia anu merioo mia molema! Ondae i Ue Ira motolao a oleo masola.

Po'unde-unde 72:13

ipehohawao mia molema ka mia mongkokolaro, ikaduduio penaano mia mongkokolaro.

Powadi 12:14

Sompo mia pinokomowohiako moikoa hangano wuano pau, ka mia mohawe ponsulo inso anu inanggano kaeno.

Powadi 14:21

Isema mompokokurama pe'asa miano moweweu hala, sine me'uraomo mia me'aroa a mia anu mongkokolaro.

Powadi 14:31

Isema mompokonsii mia anu molema, mompokongkodei anu Mokogagio, sine isema me'aroa a mia mongkokolaro, umunde-unde Ira.

Powadi 22:9

Mia anu moiko aroano ta rinonso, hangano onae tumiao hinaweno saru mia mongkokolaro.

Powadi 28:27

Isema mompowee a mia mongkokolaro nahi ta mompemakura, sine mia anu tumutuwio matano ta tedoa tinotonaa.

Powadi 28:8

Mia anu mokohadioakono bungano doi ke untu arataano, pumpuo atuu tiano mia anu mehohawao mia molema.

Puu Pontutulu 11:1

Petadiakonomo rotimu a uwoi, asalakono kowali humaweo tehine umarino atuu.

Puu Pontutulu 11:2

Weeako iramo tiado a opitu, maupo a oalu mia, hangano nahi kotumo'orio masolaa hapa anu ta gagi i wawontolino.

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I LUKASI 6:38

Impompoweemo ka komiu mempinowee: aasa ponsa'u anu moiko, anu pinokomodato, anu hineho ka anu te'uwu i bungkuno ta tinawa a laro mpo'awiamiu. Hangano ponsa'u anu imponsa'uako, komiu mensina'uako.”

Winali 24:19

Tewala sumowiko i leremu, kau tekolupe asa nte'u i lere, siimo upekule umalao; onaemo atuu tiado mia hawe, nana'ote nahina amano ka tuwu beine, ka Doronsoko i Ue, Ue Alamu a luwuno inanggamu.

PILIPI 4:17

Sine anu inungkeku komba pompowee atuu, tendeano wuano, anu tekense mokolangkaio uramiu.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.